وجه الفنان هاني شاكر رساله ناريه الى نجم نادي الزمالك أحمد سيد زيزو بعد أنباء رحيله الى صفوف نادي الشباب السعودي، كما وجه رساله الى جماهير الزمالك بعد الانتقادات الواسعة لمجلس اداره النادي الفتره الماضيه.
وقال هاني شاكر في تصريحات تلفزيونية عبر قناة الزمالك:”زيزو بسم الله ما شاء الله عليه طبعا ، قرار سليم الابقاء عليه وانا شايف الزمالك محتاج زيزو السنادي لحد ما الدنيا توضح والزمالك يجيب صفقات وبعدين يحترف السنه الجايه”.
وشدد:”زيزو وابوه محبين جدا لنادي الزمالك وطبيعي ابوه يخاف على مصلحته ولكن السنادي من السنه الجايه مش هتفرق وكل ما بيقعد في الملاعب تمنه بيعلى” .
وتابع:”انا مستغرب من التعامل الاعلامي مع الزمالك ، مين بيحاسب الناس دي على كلامهم، لو قولت خبر على قناتي وطلع مش صحيح ما لازم يبقى فيه عقاب ، من أمن العقاب اساء الادب ، لازم يبقى في عقاب لان ده مش من مصلحه الكوره في مصر ، انت شايف كله حوالينا وصل لايه السعوديه ونجومهم والمغرب ، احنا فين من كل ده ، انا بزعل لاني بخاف على بلدي ومصر من أوائل الدول اللي مارست الرياضه ومن اوائل الدول اللي عملت دوري وكاس ، فلما اشوف العالم حوالينا بيتقدم بهذه السرعه والاحترافيه وفي مؤسسات مسئوله عن تطوير الرياضه وتسويق الرياضه واحنا ماشيين بالبركه”.
وأضاف:”دلوقت ممكن يبقى في حكم قضائي وانا منفذوش ، في صحفي بيقول اخبار غلط مين هيحاسبه، لو مكنش في حساب قول على الرياضه يا رحمن يا رحيم”.
وأكمل:”انا دعواتي القلبيه وامنياتي بالتوفيق والنجاح لاعضاء مجلس الاداره المحترمين لصمودهم واستمرارهم في عملهم لانهم جايين بانتخابات حره منتخبين من الجمعيه العموميه وهما قدها وقدود، انا مشفق عليهم لان كم المشاكل كتير جدا جدآ”.
وأتم:”يا جمهور الزمالك اظهروا حبكوا للنادي النهارده قبل كده ، احنا بنأييد نادينا والزمالك الي بنحبه من صغرنا ، احنا مش بنأييد افراد ولا أشخاص ، الاشخاص بييجوا ويمشوا، متسمحوش لحد يلعب. في دماغكوا او يأثر فيكوا ، ولو عندكوا اي ملحوظات أو عتاب على مجلس الاداره ياسيدي مش وقته ، استنى لحد ما نطفي الحريقه وبعدين نقعد مع بعض واللي مصلحه النادي نعمله”.
