وجه الإعلامي أحمد موسى رساله صادمه الى مجلس إدارة نادي الزمالك عقب استقالتهم بالأمس، موجهاً الشكر لهم على الفتره التي قضوها في إدارة النادي.
وقال موسى في تصريحات تلفزيونية عبر برنامج على مسئوليتي:”كل نجوم الزمالك وكل محبي الزمالك هذه لحظه مسانده الزمالك ومن الكل ، الزمالك عنده جمهور عظيم جدا وهو اللي يعنيني”.
وواصل:”مصلحه الزمالك الان مهمه للجميع ، ان هذا النادي لا يسقط او ينهار ، احنا لازم نساند الزمالك مفيش كوره في مصر من غير اهلى وزمالك او زمالك واهلي”.
وتابع:”مصلحه الاهلي ان الزمالك يكون قوي ، ومصلحه الزمالك ان الاهلي يكون قوي ، وكل الانديه مصلحتها يبقى دوري قوي”.
وشدد:”حصل امبارح استقاله يبقى لازم نقولهم متشكرين على كل اللي عملتوه ، ناس كانت بتحارب عشان تجيب فلوس من اي حته ، محدش ليه مصلحه انه يهد الكيان ده” .
وأكد:”الزمالك لحد النهارده مش عارف يعمل حاجه بسبب المشاكل اللي عنده من تجميد حسابات ومشاكل اخرى مش هدخل فيها مش بتاعتي”.
وأتم:”المجلس استقال خلاص الملعب بقا فاضي اللي عاوز يساعد الزمالك يتفضل ، القدامى والمحبين ساندوا ناديكوا يا اخوانا”.
شاهد |
