“حاجات أول مره نشوفها في النادي” … حازم امام يكشف عن دور ميدو و اسماعيل يوسف في تطوير قطاع الناشئين!!-فيديو

أكد حازم امام نجم نادي الزمالك السابق و نائب رئيس قطاع الناشئين الحالي أن أحمد حسام ميدو و اسماعيل يوسف يعملان على قدم وساق من أجل تطوير قطاع الناشئين في النادي، مشيراً أن ميدو تمكن لأول مره من توفير معسكر لفرق الناشئين في النادي.

وقال امام في تصريحات تلفزيونية عبر قناة الزمالك:”احنا من صغرنا في نادي الزمالك ودورنا دلوقت اننا نقف جنب النادي في الظروف الصعبه اللي بيمر بيها”.

وواصل:”الفتره الاخيره كابتن اسماعيل وميدو وجمال حمزه حصل حاجات مكنتش بتحصل المره اللي فاتت ، الحاجات الطبيعيه اللي المفروض تحصل زي اللبس والمعسكرات مكنتش بتحصل”.

وشدد:”الفرق كلها كانت طلعت معسكرات واحنا لا ، كابتن ميدو بجهود ذاتيه قدر يوفر لينا معسكر في اسماعيليه وعدم وجود معسكرات قبل كده كان بيأثر علينا في بدايه الدوري”.

وتابع:”كان عندنا امل ان الراجل السويسري يجي القطاع ونستفيد منه ولكن محصلش نصيب قدر الله وماشاء فعل”.

وأكد:”احنا مستفيدين بصوره كبيره جدا من كابتن ميدو لانه بيعمل محاضرات مستمره وشغل على اعلى مستوى مكنش بيحصل ، انا من شهر واحد اللي فات مكنتش بشوف المدربين غير فالتدريب او الماتشات”.

وأضاف:”دلوقت لا بييجوا كابتن ميدو يدي محاضرات ، هو كان نفسه الراجل السويسري يعمل كده ولكن هو تطوع يعملها” .

وأتم:”احنا كنا محتاجين تدعيمات شويه وهنشوف مصطفى محمد تاني وميدو تاني بس بشويه تدعيمات”.

شاهد |