أكد حسين لبيب رئيس اللجنه المؤقته السابقه لاداره الزمالك أن حال نجاحه في انتخابات النادي المقبله سيقوم بالابقاء على الكولومبي خوان كارلوس اوسوريو المدير الفني لفريق الكره الأول بنادي الزمالك، مشيرا أنه سيقوم باتمام الصفقات التي اتفق عليها المجلس السابق حال اتفاقهم فعلياً على أي صفقات جديده.
وقال بيبي في تصريحات تلفزيونية عبر برنامج على مسئوليتي:”محتاجين صفقات طبعا وفي مدرب زي اوسوريو محترم جدا انا متعاملتش معاه لسه لان مكنش حقي لان في مجلس اداره موجود ، احنا دلوقت بنفك في المستقبل واوسوريو مدرب مهني وزي ما سمعنا انه عاوز ٣ او ٤ صفقات بصفات معينه”.
وواصل:”الناس الي قبلنا اكيد كانوا متفقين معاه ومتفقين مع لاعبين ، احنا مش لازم نهد اللي قبلنا لا نقعد ونتفاوض معاهم ، وعندنا كمان مشكله القيد لازم تتحل”.
وشدد:”احنا حظنا وحش اننا كل ما نيجي نفكر في النادي يبقى القيد موقوف، تتحل ازاي؟ بالفلوس طبعا والمفاوضات اللي بيتم.عن طريق ناس محترفه”.
وأتم:”احنا عشان ننجح محتاجين ٤٠ او ٥٠ واحد يبقوا لجان زي لجان التسويق ولجان للاستفاده من عقارات النادي وناس لشركه الكوره ، احنا هنا بنتكلم على اكبر قلعه رياضيه في مصر”.
