حسين لبيب يكشف عن صدمه بخصوص اداره التسويق بالنادي… ويكشف عن حل سحري للقضاء على كل مشاكل الزمالك!!-فيديو

أكد حسين لبيب مدير اللجنه المؤقته السابقه لاداره الزمالك أن النادي لا يمتلك شركه تسويق حالياً، مؤكدا أن انشاء شركه خاصه بكره القدم سيقوم بحل جميع مشاكل الزمالك في الوقت الحالي.

وقال لبيب في تصريحات تلفزيونية عبر برنامج على مسئوليتي:”النادي غني باولاده وجمهوره ، جمهور نادي الزمالك يفرح مع احترامي لكل الانديه التانيه ، انا كنت لاعب وموجود وبيشجعوني وكنت بتقهر لما نخسر مع اننا الحمد لله يعني مبنخسرش كهاند بول ، الهاند بول عندنا شديده”.

وواصل:”النادي عنده ازمه ماليه طبعا، القانون بيديني حق ان انا اعمل شركه لكره القدم ، ممكن يبقى في تصور اننا نعمل شركه للكوره وبالتالي تدر على النادي دخل عظيم ، والاداره بدل ما اجيب لاعب باتنين مليون دولار لا اقدر اوفر وممكن كمان اجيب للنادي عمله صعبه”.

وتابع:”لازم الللي يدير شركه الكره تبقى ناس فاهمه ونشتغل مع نادي اجنبي او نبص لانديه افريقيا نتعامل معاهم برضو”.

وشدد :”النادي عنده امكانيات عظيمه ، اداره هذه الامكانيات زي محلات النادي والناحيه التسويقيه ، انت متخيل ان النادي معندوش اداره تسويق ؟ ، لما يبقى عندك اداره تسويق محترفه هتعمل شغل كويس” .

وأكد:”اسم نادي الزمالك بس كبير اوي فالدول العربيه وافريقيا نتيجه تواجده دايما في الواجهه ، الزمالك كان هو الاساس في افريقيا ولينا اسم موجود نقدر نستغله كويس جداً وده هيتم عن طريق التسويق” .

وأتم:”احنا مبنتكلمش انتخابات وانا مش طالع النهارده عشان انتخابات ، احنا بنرد للنادي الجميل لاننا في لحظه فارقه”.

شاهد |