حسين لبيب يكشف كواليس صادمه في ملف أزمه مستحقات اتشيمبونج … ويفحم مجلس الاداره السابق بشأنها!!
أكد حسين لبيب رئيس اللجنه المؤقته السابقه لاداره الزمالك أن اللجنه قامت بتسديد ثلاثه أقساط من مستحقات الغاني بنيامين أتشيمبونج أثناء فترته تواجدهم في النادي، مشيراً أن مجلس الاداره المستقيل قد تخلف عن دفع قسطين تسببوا في شكوى اللاعب للنادي مجدداً لدى الفيفا.
وقال لبيب في تصريحات تلفزيونية عبر برنامج على مسئوليتي:”الزمالك عليه فلوس للاتحادات الاربعه زائد جمعيه الانديه الرياضيه ودي مبالغ كبيره ، العلاقات الكويسه بتخلي في تفاهم زي ما بنقول بيبقى فيه فائده مشتركه من التعاون بين الانديه والنادي، وده مبيبقاش تخاذل او تقاعس من الاتحاد ولا مجاملات دي قوانين واعمله لجميع الانديه ده مش استثناء”.
وواصل:”الزمالك غني بفلوسه وموارده واولاده والناس تقف معانا بس بما يرضى الله ، لا تدي حد اكتر مني ولا تخسف بيا الارض ، هنقعد مع الضرائب والاتحادات ، اللعيبه كمان لازم تقعد معاه وتقوله المبلغ ده كمان ٣ شهور مثلا هديهولك ولو حس منك بجديه هيوافق ويقولك حاضر”.
وشدد:”لعيبه اليد بقالهم اربع وخمس وست شهور مخدوش حاجه ، ربنا يكرمهم في البطوله العربيه، احنا عندنا خطه كمان ليهم ونقدر نعدي من الازمه دي بس محتاجه مثابره وتكاتف من الجميع”.
وأتم:”احنا كنا دفعنا لاتشيمبونج ٣ اقساط بمجموع ٤٥٠ الف دولار واللي جه بعدنا دفع اتنين واتأخر علينا اتنين” .
