“سب دين ربنا ولا دوس التيشيرت ؟”… تعليق ناري من خالد الغندور على إيقاف عامل المصري البورسعيدي!!
انتقد الإعلامي خالد الغندور قرار رابطه الأنديه بإيقاف عامل غرف ملابس المصري البورسعيدي لمده سنتين ، وذلك بعد واقعه “الدوس” على قميص الأهلي ، في حين تم إيقاف حسين الشحات لاعب الأهلي لمده مباراتين فقط على الرغم من الألفاظ النابيه وواقعه الاعتداء على محمد الشيبي.
وكانت رابطه الأنديه قد أصدرت قراراً قاسياً بايقاف عامل غرف ملابس المصري البورسعيدي لمده سنتين ، وذلك بعد واقعه “الدوس” على تيشيرت الاهلي بعدما سب جمهور الاخير المصري البورسعيدي ولاعبيه عقب نهايه مباراه الفريقين بكأس مصر.
وقال الغندور في تصريحات تلفزيونية عبر قناة الزمالك:”تخيل يا مؤمن سب دين ربنا والضرب بالقلم على الهواء مباشره ياخد ايقاف ماتشين بس لما عامل يدوس على تيشيرت الاهلي ياخد ايقاف سنتين”.
وواصل:”ونظام منع الجماهير انا قولت لمسئول في رابطه الانديه ان النظام ده ملوش لازمه لان حكايه ان امنع ده ما هيدخل غيره يشتم”.
وتابع:”لكن لما امنع الجمهور كامل انه يحضر الباقي هياخد عبره انه ميشتمش لان كله هيتوقف ، لكن اشتم حبه وامنع والباقي يدخل فيشتم نمنع حبه والباقي يدخل فيشتم ونفضل كده بقا، لا مؤاخذه ده نظام لا يعقل”.
وأكمل:”لما سألت المسئول رد عليا قالي يا خالد احنا عاوزين نرجع الجمهور بقا ، احنا هنضحك على بعض ده هما ٦ جماهير اللي بيحضرلهم وكمان مش كله بيحضرله اعداد غفيره يعني المصري لما امنعنله ال٣ الاف اللي بيسافروا من بورسعيد لاسماعيليه لاسكندريه مش هيعرف يحضرله ٣ الاف تاني”.
وأتم:”وأخيراً عاوز اسأل سؤال يمكن انا مبفهمش ، هل سب دين ربنا ياخد ماتشين والدوس على اي تيشيرت سنتين ، مستني الاجابات المنطقيه”.
