شوبير يهاجم جماهير الأهلي و يعلق : “لو أنت كنت فاكر هطلع أطبطب لأ يا باشا” | فيديو

هاجم الإعلامي أحمد شوبير جماهير النادي الأهلي على خلفية أزمة مباراة الفريق أمام المصري في ربع نهائي كأس مصر.

و قال أحمد شوبير في تصريحات إذاعية عبر برنامجه على راديو أون سبورت إف إم : جماهير الاهلي بتعترض وبتقول إشمعنى إحنا بس اللي نتعاقب و نتوقف ، طيب خلينا نقول حاجة إن من أمن العقاب أساء الأدب.

و تابع : بس هسأل سؤال أنت بتغلط ليه و خصوصا إن أنت شفت لما بتغلط بتتعاقب و تتوقف واحنا كنا بنحلم بعودة الجماهير للمدرجات.

و واصل شوبير تصريحاته قائلا لـ جماهير الاهلي : شجع وغني لفريقك من غير ما تشتم المنافس ، عشان مايبقاش فيه عقوبات.

و أكمل مباراة الأهلي والمصري ليها ذكريات صعبة وإحنا عانينا من مأساة حادث بورسعيد و مش هايتمحي من الذاكرة

و أتم شوبير تصريحاته قائلا : و إذا كنت فاكر هطلع أطبطب لا يا باشا، فيه أم وأب وأخ مش هيقدروا ينسوا أحبابهم.