“كان عارف بالكوبري وموقفوش” … إسلام صادق ينفجر ويكشف مفاجآت مدويه بخصوص عضو مجلس إدارة الزمالك ودوره في صفقه الخائن امام عاشور!!

شن الإعلامي اسلام صادق هجوم حاد على عضو مجلس إدارة نادي الزمالك جمال عبد الحميد، وذلك بعد سلبيته تجاه قطاع كره القدم بالنادي وعلمه برحيل عدد من اللاعبين ولم يتدخل لإيقاف هذه الصفقات.

وقال صادق في تصريحات تلفزيونية عبر برنامج البريمو:”الزمالك هو اللي رجع جمال عبد الحميد بعد ما الأهلي سابه بعد الاصابه ورجعه تاني لمنتخب مصر ده حسب روايته هو، مينفعش جمال عبد الحميد يبقى اداءه سلبي كده”.

وواصل:”مينفعش جمال عبد الحميد المنتخب من الجمعيه العموميه انه يبقى منتظر ياخد اوامر من شخص معين انه يعمل حاجه في قطاع الكوره”.

وتابع:”الازمات والمشاكل اللي بيواجهها فريق الزمالك من اسبابها جمال عبد الحميد ، جمال عبد الحميد كان لازم يتصدى لرحيل عمر خضر الى نادي زد مع محمد حلمي اللي كان رافض للفكره وبعدين الصفقه الغريبه تمت وخليني اقول غريبه عشان مقولش الفاظ تانيه”.

وشدد:”بعدين صفقه امام عاشور اللي تمت بمعرفه البعض داخل نادي الزمالك اللي كانوا عارفين انه كوبري وموافقين عليه ، كل ده بمعرفه كابتن جمال عبد الحميد وسط صمت منه، هتيجي تقولي رئيس النادي وهو اللي بيخذ القرار هقولك لا اسم وتاريخ جمال عبد الحميد لا يليق بيه انه ياخد اوامر من اي حد” .

وأتم:”رحيل اللاعبين كان مسئوليه وعلى عاتق مجلس الاداره وخصوصا جمال عبد الحميد”.