“مبقيناش قادرين” … سليمان وهدان يكشف كواليس جديده وراء استقالة مجلس اداره الزمالك وصدمه بخصوص المديونيات!!-فيديو

أكد النائب سليمان وهدان عضو مجلس إدارة الزمالك المستقيل من منصبه أن المجلس أصبح غير قادر على مواصله عمله بسبب مشاكل النادي الكثيره، مشيراً أن هناك عدد من المشاكل يعود لأكثر من 23 عام.

وقال وهدان في تصريحات تلفزيونية عبر برنامج البريمو:”نادي الزمالك عنده مشاكل والمشاكل دي تراكميه على مدار السنوات ، حاولنا نحل المشاكل دي ولكن المديونيات كبيره جدا في كل القطاعات”.

وواصل:”عندنا مشاكل مع الضرائب والكهرباء ، عندنا حجز على الارصده ، مهما كانت قوه المجلس ووضعه هيفشل، الاستقرار الاداري والرياضي بيأدي للنجاحات”.

وتابع:”في اخر ٦ او ٨ شهور حاولنا نحل ولكن معرفناش ، يمكن الاستقاله كانت مفاجئة ولكن احنا بيننا كأعضاء كنا بنصبر بعض، كلنا كان عندنا رغبه في الاستقاله ، احنا خلاص مبقناش قادرين.”

وشدد:”لما الدنيا قفلت ومبقناش عاوزين نشتغل القرار اتاخد بسرعه ومكنش في معارضه في الاستقالة ،احنا عاوزين نساعد النادي ولذلك فضلنا اننا نقدم مصلحه الزمالك على مصالحنا الشخصيه”.

وأكمل:”احنا حلينا مشاكل مع هيئه الاوقاف كانت من ٢٣ سنه انت متخيل ؟ عندنا مشاكل مع الضرائب ومشاكل مع اتحاد الكره ومشاكل مع اتحاد اليد،في مشاكل كتير جداً كان ليها دور في الوصول لهذه المرحله والاستقاله”.

وأضاف:”الشعور ان انت عندك مظلوميه أو اشياء من هذا القبيل ده نتيجه عشوائية كبيره عندنا ، الامر التاني اللي اقدر اقول عليه مكنش موجود عندنا هو الاستقرار ، الاستقرار الفني والإداري مهم”.

وأتم:”انك تبص في كشكولك وتكرس مجهوداتك عليك بدل ما تشغل نفسك بغيرك وتركز معاهم ده هيخليك هتضيع اهدافك الاساسيه”.

شاهد |