“محدش يقولي زمالك وأهلي” .. تعليق ناري من مجدي عبد الغني بشأن تراجع الكرة المصرية مقارنة بالكرة السعودية

فتح مجدي عبد الغني النار على إدارة و نظام الكرة المصرية خلال الفترة الحالية مقارنة بالدوري السعودي و الطفرة التي يشهدها.

و كتب مجدي عبد الغني عبر حسابه الرسمي على فيس بوك : احنا بنتكلم فى نظام مسابقات ولوائح وتحقيق مبدأ تكافؤ الفرص علي الجميع ، وبعض الناس محولة الموضوع أهلي وزمالك وشايف بعض التعليقات بيقولوا محدش بيتأجله ماتشات غير الأهلي ومحدش بيتجامل غير الأهلي.

و تابع : يا جماعة الموضوع مش أهلي وزمالك والله، ازاي عايزين نتقدم واحنا بردوا بنفكر كدا!!.

و أضاف : بالمناسبة الزمالك لما وصل نهائي قدام صن داونز اتأجله بردوا ماتشات كتير.. وبيراميدز بيتأجله لما بيكمل فى الكونفدرالية..

و أكمل : احنا عايزين لوائح تتطبق علي الجميع، عايزين لجان مفعلة، عايزين دوري محترفين بجد.

وأختتم تصريحاته قائلا : ياريت لو هدفنا الكرة المصرية تتطور فعلاً نغير فكرنا الأول وننسي التفكير في الألوان والإنتماءات عشان نبدأ صح.