أكد مرتضى منصور ، أنه تم دخول نادي الزمالك مبلغ بالدولار خلال الساعات الماضية ، وتم استغلاله في إنهاء بعض الأزمات.
وقال مرتضي منصور في فيديو عبر قناته علي اليوتيوب : اللعيبة كلها اتتسجلت ، الراجل إللي بيصنع الراجل مش العكس ، رحت إتحاد الكرة وسجلت اللعيبة وأنا برا .
مشكلة الزمالك بسبب عم شيكابالا !! مرتضى منصور يوجه رسالة نارية لقائد الزمالك !! – فيديو
وأشار: جمال علام قالي كله تمام ، جالنا ٥٣٤ الف دولار ، اديت لإتحاد الكرة فلوس الحكام والكارنيهات والمنشطات ، المبلغ دا بيندفع رقم ١ وحولنا ٣٠ علشان نسجل .
وشدد : محمد مصيلحي بيقول عندي أزمة والمصري ومعندهمش حجز ولا وقف قيد والدولة ساعدتهم ، ما بالك رئيس نادي عندي كله ده ومحجوز علي حساباته ، بندبر فلوس كل اللاعبين القدام في النادي .
واستكمل : اللي حاشرني حبي للكيان ، فلوس اتشيمبونج كانت هتتحول النهارده ، البنك رفض ، سألت رئيس إتحاد البنوك وعمرو الجنايني وشوفنا حل بكرا هنحول وندفع لابراهيما نداي ، واوسوريو مرتبه جاهز .
