ميدو يشن هجوم حاد علي مسئولي الكرة المصرية : ” نفسي اقاطع الدوري المصري التعبان ده ” | صورة

فتح الإعلامي أحمد حسام ميدو النار على مسئولو الكرة المصرية و مسئولي الاتحاد المصري لكرة القدم.

و كتب أحمد حسام ميدو عبر حسابه الرسمي على منصة x “تويتر سابقا” : الموسم المحلي راجع تاني شوية اشخاص اتغيروا لكن نفس منهج الغباء ماتغيرش منه حاجه شايف ان في محاولة لتذكير الجماهير بمنهج الغباء..اوعوا تنسوا يالا انت وهو ان احنا فشله وأغبيا افتكر كويس انت بتتعامل مع مين!!

و اضاف : عندي اقتناع تام إن في تعمد ان الكورة في مصر تفضل منتج رخيص لسبب ما انا مش عارفه!! لا يمكن يكون اللي بيحصل ده مش متعمد!!

و تابع : الموسم هيبدأ من غير اي تغيير في لائحة الانظباط والاخلاق والحاج قاعد على المكنه بيفصل أسابيع الدوري..الجديد بقى ان المنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!

و اكمل: انا كنت فاكر ان ليڤيل ان منتخب مصر يبقى بيشحت لاعيبته جاي بعد ٥٠ سنه وكان عندي أمل كبير ان ان شاء الله هموت قبل العمر ده لكن احنا اتطورنا بسرعة جدا ك..الحمد لله احنا جامدين جدا

و واصل : غير مقبول لا من ‎الزمالك ولا من ‎الاهلي ولا حتى ‎#مارسيليا انه يساوم المنتخب بلاعيبته وأي حد يطلع في الاعلام يقول غير كده يبقى ضلالي..الأولوية لمنتخب مصر.. مصر فوق الجميع

و اتم : والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد!!