نجم الأهلي السابق ينفجر ويخرج عن شعوره : المصري ظُلم أمام الأهلي ..وهل هناك فريق يعاقب 13 عام!!

أكد محمود أبو الدهب نجم النادي الأهلي السابق أن المصري البورسعيدي قد تعرض للظلم خلال مواجهة الأهلي في كأس مصر ، مشيراً أن ركله الجزاء غير صحيح وهدف المصري الملغي كان صحيحاً وكان لابد من احتسابه.

إقرأ أيضاً| “طاقه نور”… محمد فاروق يكشف كواليس مدويه في مكالمه احد رجال الأعمال مع شيكابالا !!

وقال أبو الدهب في تصريحات تلفزيونية عبر برنامج البريمو:”ركله جزاء الاهلي امام المصري غير صحيحه ،الكوره فاول من الاول على حسين الشحات حتى لو في استهتار من الجلاصي انه يمسك الكوره في منطقه خطر في وقت زي ده المفروض كان يشتت الكوره ويخلص”.

وواصل:”هدف المصري امام الاهلي الملغي كان صحيح والمصري ظُلم ان الهدف ده اتلغى وضربه جزاء الاهلي اتحسبت”.

وتابع:”انا معرفش حكم الفار مراحش للڤار ليه يشوف الحالات دي ، احنا بنتكلم بما يرضي الله مش عشان احنا لعيبه اهلي سابقين”.

وأتم:”المصري ده مش فريق مصري ؟ ليه يقع عليه ظلم زي ده ، مش كفايه بقالهم ١٢ او ١٣ سنه بيلعبوا برا بلدهم وجمهوره بيسافر من بورسعيد لاسماعيليه لاسكندريه عشان يشوفوا ماتش ، هو في فريق بيتعاقب ١٣ سنه ؟ وكمان نقوم نظلمه تحكيمي ؟”.