أكد الفنان هاني شاكر انه يشعر بالحزن والضيق بسبب ما يمر به نادي المشاكل من أزمات عصفت باستقراره، موجهاً رساله الر ممدوح عباس رئيس الزمالك الاسبق من أجل فك الحجز على ارصده الزمالك.
وقال هاني شاكر في تصريحات تلفزيونية عبر قناة الزمالك:”مشاكل نادي الزمالك كترت وكل مدى بتكتر ، الله يكون في عون المستشار مرتضى منصور ومجلس الإدارة ، مش عارفين يردو على مين ولا مين ولا يسدوا فين”.
وواصل:”انا بقول لكل من يهمه الامر ، نادي الزمالك نادي مش صغير ولا لسه طالع امبارح لا احنا نادي كبير ، احنا احد اقطاب الكوره المصريه لا الزمالك لوحده ينفع ولا الأهلي لوحده ينفع”.
وتابع:”انا بنادي لكل من يهمه الامر بالتدخل ، والمستشار مرتضى ساب الكرسي وبعد اهو ، انا بوجه كلامي لممدوح عباس لو انت مشكلتك مع مرتضى منصور اهو ساب النادي انت اي مشكلتك بقا”.
وأكد:”انا اعرف ممدوح عباس من زماني زملكاوي ومشجع للزمالك، انا اتمنى المشاكل الشخصيه متدخلش في الزمالك، الزمالك ملوش ذنب ولا جمهوره له ذنب ، الكل بيحب الزمالك ومصلحه نادي الزمالك”.
وشدد:”اتمنى المبادره اللي اعلنها احمد مرتضى تاخد حقها ، وانا من ناحيتي لو اقدر اعمل اي حاجه هعملها، رموز نادي الزمالك كتير ولازم التعاون والتكاتف عشان النادي يخرج من الكبوه دي اللي اعتقد ممرش بيها قبل كده”.
وأضاف:”الجمهور مش ملاحق ، انا كل يوم اقعد اشوف الاخبار اقول ايه ده اي كل المشاكل.دي ، والصفحات المحسوبه على اعلام الزمالك اللي بتهاجم انا بقولهم يا ولادي ده مش وقت هجوم ده وقت تكاتف، ده مش وقت انتقاد لان النادي مش ملاحق بسبب المشاكل والقضايا”.
وأتم:”انا لسه كنت بسمع كابتن حماده عبد الباري وشوفت المشاكل هو في كده في الدنيا، نادي الزمالك مش فقير ومش نادي صغير ، انا بناشد وزاره الشباب والرياضه يكون في تدخل مع محموعه من العقلاء لان نادي الزمالك نادي مصري مش نادي من بلد تانيه ، ولو من بلد تانيه مش هيتعمل فيه كده”.
