هل نادي الزمالك يحتاج وجوه جديدة لإدارته ؟ رد حاسم من أحمد مرتضى .. و يوجه رسالة إلى حسين لبيب | صورة

حرص أحمد مرتضى منصور عضو مجلس إدارة نادي الزمالك على الرد بشأن سؤال أحد المتابعين عبر موقع تويتر.

و قال احمد مرتضى عبر حسابه الرسمي : ممكن كلام حضرتك يكون صح أكيد كل مكان محتاج وجوه جديده لكن الطبيعي ان المجلس ينهي مدته لأنه مجلس منتخب وبعد مدته نحاسبه

و وجه أحمد مرتضى منصور رسالة الي حسين لبيب رئيس اللجنة السابقة لإدارة نادي الزمالك قائلا : خلاص في انتخابات على مقعد الرئيس شهر ١٠ يطرح نفسه في الانتخابات و ربنا يولي الأصلح.

وفي السياق ذاته ،،، حرص أيمن يونس نجم نادي الزمالك السابق على توجيه رسالة هامة الي أعضاء مجلس إدارة نادي الزمالك .

و كتب أيمن يونس عبر حسابه الشخصي على تويتر: الساده أعضاء المجلس المتبقين ..اذا كان لديكم ذره حب متبقيه جوه قلوبكم ل نادي الزمالك ..فاستقيلوا حتي نتذكر لكم موقف جيد و كفااااايه بجد

و تابع : أما عن شيكابالا الاسطوره المخلص ابن نادينا جينات .دم ..روح .ف انا اشهد لك انك في كل مواقفك كنت عاشق للزمالك و جماهيره ..بدون مزايدات.

و حرص أحمد مرتضى منصور عضو مجلس إدارة نادي الزمالك الرد على أيمن يونس عبر حسابه على تويتر .

و قال أحمد مرتضى : استقيل ليه ؟! يا كابتن أنا واخد بطولات اكتر من حضرتك ١٠ مرات سواء عندما كنت لاعب أو إداري.

و اضاف : هل منطقي لو في اخفاق موسم واحد استقيل للأسف الكلام بيكون قدام الناس كلام وفي الغرف المغلقه كلام تاني.

و اتم تصريحاته قائلا: كابتن ايمن عندنا شغل اكتر من الكلام لو حابب تساعد تشرف دا نادينا كلنا لحضرتك كل الاحترام.