“يجيبوا نيمار عادي”… أحمد موسى يوجه رساله ناريه لرجال الأعمال الزملكاويه بعد استقالة مجلس الإداره!!-فيديو

أكد الاعلامي أحمد موسى أن الوقت الحالي هو وقت مسانده الزمالك في أزماته الحاليه بعد استقاله مجلس الاداره، مشددا أن رجال الأعمال الزملكاويه عليهم مسانده النادي في الوقت الحالي.

وقال موسى عبر برنامج على مسئوليتي :”النهارده الزمالك محتاج دعمكوا اذا كنت انت بتحبه وبتشجعه ادعمه ، الدعم مش بالكلام على الفيسبوك لا ادعم بجد” .

وواصل:”النادي الاهلي لما يبقى في ازمه رجال الاعمال بتساعد وبتجيب صفحات الكلام ده كان فالماضي يعني “.

وتابع:”الزمالك عنده رجال اعمال كتير وانا اعرفهم على المستوى الشخصي ممكن بسم الله ما شاء الله يجيبوا نيمار عادي”.

وشدد:”انت مش هتجيب عشان س او ص لا اتت هتجيب عشان الزمالك ، ده وقت تكاتف مش وقت خناقات انسى امبارح الصفحه اتقفلت”.

وأكمل:”ابدء بص لبكره واشتغل لبكره وبعد بكره ، اقنعوا الجمعيه العموميه اللي هتجيب مجلس منتخب ، لا حد هيتدخل في انتخابات ولا غيره الصناديق بتبقى على الهوا وفي اشراف قضائي”.

وأتم:”انتخابات الزمالك هتكون في شهر اكتوبر اللي جي ، محتاجه من النهارده شغل ، اي حد عاوز او بيفكر يجهز من دلوقت ، روحوا النادي واقعدوا مع الجمعيه العموميه، روحوا الاعلام اتكلموا ،انا اهلاوي اهلاوي ، انسوا صفحه الماضي بقا”.

شاهد |