حرص أحمد عيد عبد الملك نجم نادي الزمالك السابق على التعليق بشأن مكالمة أحمد سليمان و حسين لبيب الثنائي المرشح لإنتخابات مجلس إدارة القلعة البيضاء المقبلة.
و كتب أحمد عيد عبد الملك عبر حسابه الرسمي على فيس بوك: انا مش حابب اتكلم علي انتخابات الزمالك خالص ودي اول واخر مرة هقول رأيي فيها وشايف ان كل واحد من حقه يعمل الي عاوزه ينزل او مينزلش دي بتاعته .
و تابع : لكن جو المداخلات والورد والحب الي قدام الناس ده شو بس مبيأكلش عيش بالبلدي كدة وعلي فكرة هو انا مبقولش ان ده غلط لكن مش وقته حالياً الاولي ان حد يضحي للتاني ويقف في ضهره احنا اصلاً مش في جو طبيعي .
و اضاف : وطالما الكل بيعمل علي مصلحة الزمالك كما يقال اتفقوا علي قايمة موحدة تخدم النادي الفترة دي وتقدر ترجع النادي لمساره الصحيح في اصعب فترة في تاريخ النادي وقايمة موحدة تكسب انتخابات.
و اكمل : ويشوفوا حال النادي اللي هو صعب علي اي حد هيقعد علي الكرسي وعنده هم ما يتلم احنا مش عاوزين ناس تيجي تتصور عاوزين ناس تيجي تشتغل وتغير كل حاجة في النادي حرفياً يعني مش حمل خلافات داخلية .
و اتم : ان واحد نجح من قايمة والتانية من قايمة ونخش في صراعات اراء ونلف في الدايرة الي احنا فيها من ٢٠ سنة لو بتحبو النادي بجد اتفقو علي الاصلح ما بينكم خلينا نعدي فترة المشاكل بهدوء ونخلص من الي ورانا ..الزمالك دايماً للمخلصين فقط
