أكد حازم إمام نائب قطاع الناشئين بالزمالك، أن الفارس الابيض خسر برحيل طارق حامد، وأشار أنه يتمنى ضم ثنائي الأهلي.
وقال حازم إمام في تصريحات تليفزيونيه ببرنامح “ملعب أون تايم” عبر قناة “أون تايم سبورتس”:” نعاني من خروج اللاعبين الكبار ولذلك صعب رحيل فتوح وزيزو، وأكثر لاعب خسره الزمالك هو طارق حامد وصعب تعويضه، طارق دائما اللاعبين بتلعب بقلبه”
وأشار: “في لعيبه مميزة في قطاع الناشئين، ولا اتمنى تصعيد حد منهم في ظل الظروف الموجوده لان سنهم صغير وهيتحكم عليهم بسرعه ويخلصوا”.
وتابع:” الزمالك لن يقف على امام عاشور هو كان الحل الوحيد لبديل فرجاني، صعب نقارن بين دونجا وطارق حامد وممكن دونجا الموسم ده يغير الشكل وهو امامه تحدي يعمل ده”.
وشددإمام:” صبحي الاكثر جاهزيه وعواد وهو في مستواه نختاره وانت مغمض لكن صبح الاجهز حاليا، في3 حراس في قطاع الناشئين مميزين منهم 2 هيتقيدوا افريقيا”.
وأكمل: ” أنا حزين على وضع الزمالك والازمه الماليه وقفل القيد وعدم الفوز بالبطولات الموسم الماضي، السنه اللي فاتت حصل كل حاجه وحشه، كنت متوسم خير الموسم ده ويكون في تدعيمات لكن غلق القيد سبب الاحباط ومش متفائل بمستقبل الزمالك”.
واستطرد إمام: “كان ممكن متاخدش فلوس بس تاخد بطولة، في لعيبه كتير بالدوري لاتستحق ربع قيمتها والارقام زادت كتير بنسبه كبيره مقابل المردود اللي بيقدمه، زيزو هو اللي منور في النادي ويستحق المبالغ الكبيرة”.
وأختتم:” الرينج الطبيعي للاعب السوبر10 مليون ومدفعش 20 لكن في فتوح ادفعله اللي عاوزه ولومعي هدفعله50 مليون وفي زيزو وشوف جاله عرض بكام، لوهشتري حد من الاهلي وادفع فيهم 50 مليون حسين الشحات ومحمد عبدالمنعم”.
