تعليق ناري من عدلي القيعي بعد تأهل الزمالك أمام بيراميدز ” مش مصدق اللي حصل !! ” – فيديو

تحدث عدلي القيعي رئيس شركة الكرة بالنادي الأهلي ومقدم برنامج ملك وكتابة، عن تأهل الزمالك إلى نهائي كأس مصر بعد الفوز على بيراميدز.

وقال عدلي القيعي عبر قناة النادي الأهلي :” ليه الناس شايفة ان مباراة الزمالك كانت ملحمية وأنا منهم على فكرة، لإن كل الناس كانت مستنيه الزمالك هيخسر كام؟”.

وواصل: ” الزمالك داخل المباراة ومزنوق وعندة مشاكل كتيرة، لعيبة موقوفه ولعيبة مصابة ومدرب مشي، ومدرب جديد جاي معتمد جمال، والفريق مش في حالته تماما “.

وتابع :” البداية تيجي ان بيراميدز يسجل وتجيله فرص كتيرة يخلص المباراة، ولكنه ضيعها، الناس بتتكلم على حالة الطرد، لا ده اصلا بعدها بيراميدز فرض سيطرته على المباراة “.

وأضاف: ” الزمالك فضل لاخر لحظة يقاتل وسجل في الدقيقة الاخيرة، وبيراميدز كان بيحتفل إنه خلاص كسب، وهو اللي ضيع المباراة من ايده لانه جاله كذا مرة يخلص المباراة وضيعها “.

وشدد: ” أنا كنت بتفرج مع اصدقاء ومشيت علشان اروح لان خلاص قولت بيراميدز كسب، مصدقتش وانا في الطريق ولما روحت أن كل مرة بيراميدز يسجل والزمالك يتعادل، ده حتى في ركلات الترجيح عاد في اخر ضربتين وكسب، وده يحسب للزمالك “.

وأتم : ” الموضوع هنا بيقولك ايه؟ ان الروح والقتال بيعوض اي شئ، وانا بتكلم في الفريقين لان كانت هناك اخطاء نتج عنها أهداف، لكن الزمالك لم يستلتم، علشان كده هي مباراة درامية تفكرني بنهائي كأس مصر 2007 بين الزمالك والأهلي، بس الفارق إننا كسبنا موصلناش لضربات جزاء “.