لأول مرة .. الهارب كهربا يكشف سر خناقته مع مهيب عبدالهادي وعلاقتها بـ رامز جلال – فيديو
كشف اللاعب الهارب محمود عبد المنعم “كهربا” جناح النادي الأهلي لأول مرة كواليس خناقته الشهيرة مع الإعلامي مهيب عبد الهادي على هامش نهائي كأس مصر بين الزمالك والأهلي في السعودية.
وكان الهارب كهربا قد دخل في مشادة قوية مع الإعلامي مهيب عبدالهادي في وجود إمام عاشور لاعب وسط الفريق الأحمر على هامش نهائي كأس مصر الذي أقيم بين الزمالك والأهلي في العاصمة السعودية الرياض.
وقال ” كهربا” :” مهيب شخص عزيز عليا وعشرة عمر، وأنا لما شديت مع مهيب عبد الهادي بعد نهائي كأس مصر في السعودية كان بسبب مقلب رامز جلال”.
وأشار:” المقلب كان تقيل شوية عليا، وأنا أصلا كنت رايح إنه برنامج عادي ومفيش مقالب فاتخبطت في دراعي ومكنش عاجبني يحصل فيا كده ومحدش يعرف يهيني لإني بعرف اخد حقي علطول ومبستناش”.
وأضاف “كهربا” خلال استضافته في برنامج ” أسرار” على قناة ” النهار” :” رامز جلال أخويا وحبيبي وشخصية جميلة وفي نهاية الحلقة معملتش القفلة لإني مكنتش شايف قدامي، بس أنا ومهيب اتصالحنا، أنا كان في دماغي إن الكلب هيعضني وأنا بخاف من الكلاب جدا ولو الكلب ساب أنا بقى هلعب كورة تاني إزاي”.
وأختتم ” كهربا” :” علشان كده بخاف من الكلاب في الجزئية دي، عموما الموضوع انتهى وتصالحت أنا ورامز بعد 3 أيام من المقلب”.
شاهد:
