أعرب أحمد حسام ميدو، نجم الزمالك السابق، عن قلقه من أزمة حراسة المرمى في نادي الزمالك، ويرى أن محمد عواد، يُعاني بسبب عدم تجديد عقده.
وكتب ميدو عبر حسابه الرسمي بمنصة “أكس”: “في أزمة حقيقية في مركز حراسة المرمى في نادي الزمالك، الأخطاء إللي بيعملها عواد مالهاش علاقة بمستواه الفني لأني دربته قبل كده في الإسماعيلي وفي الوحدة وعارف كويس إن مستواه أفضل بكثير من المستوى إللي بيقدمه دلوقتي مع الفريق”.
وتابع: “مشكلة عواد الحقيقية إنه لغاية دلوقتي ما جددش عقده وما يعرفش السنة إللي جايه هيكون فين، وده واخد جزء كبير من تفكيره ومن تركيزه!!”.
وأضاف: “هي دي شخصية عواد، لازم يحس إنه نمرة واحد وإن مستقبله في أمان، ساعتها هيتحول لحارس تاني خالص!”.
واختتم: “لو قرر الزمالك عدم التجديد لعواد فنصيحتي لـ جوميز لازم تشرك حارس مرمى تاني حتى لو ولد صغير لأن استمرار الموقف كما هو عليه هيكلف الزمالك أسهل بطولة قارية ممكن يفوز بيها!!”.
