شن رضا عبدالعال ، هجوماً على البرتغالي جوزية جوميز مدرب الفريق الأول لكرة القدم بنادي الزمالك ، عقب الخسارة امام سموحة في بطولة الدوري المصري الممتاز.
وقال رضا عبدالعال في تصريحات لبرنامج البريمو عبر شاشة قناة TEN تقديم الإعلامي محمد فاروق : المفروض النهارده آخر بروفة لماتش نهائي الكونفدرالية .
وزاد : المفروض ألعب الأساسيين واجهزهم ولحد يوم الاحد مش هتلعب ماتشات ، كان المفروض استفاد من ماتش النهارده وارفع لياقة اللعيبة .
وتسائل : سامسون دا فين ؟ هو اللي كسبك ماتش دريمز اللي فات ، انت بتعاقبه علشان تألق ؟
وأتم : دا لو مدرب نص لبه معاه اللعيبة دي هينافس على الدوري ، الزمالك كسب الأهلي بطل الدوري ، يبقي إزاي مش عارف يكسب سموحة ، دا مش روتيشن ، دا هبل.
وخسر الفريق، الأول لكرة القدم بنادي الزمالك من نظيره سموحة بنتيجة هدف مقابل لاشئ، في المباراة التي جمعت بينهما اليوم الأحد، ضمن منافسات بطولة الدوري المصري.
وألتقى الابيض بنظيره سموحة، على ستاد الجيش ببرج العرب، بإطار مواجهاة الجولة الـ21 من المسابقة المحلية.
سجل هدف سموحة عن طريق لاعبه أبو بكر ليادي في الدقيقة 53 من زمن المباراة.
شاهد الفيديو
