أكد سيف زاهر ، أن مجلس إدارة نادي الزمالك برئاسة حسين لبيب ، يخصص غرفة عمليات من أجل الاستعداد لنهائي الكونفدرالية امام نهضة بركان ، ويتم عقد جلسات تحفيزيه قوية مع اللاعبين.
وقال سيف زاهر مقدم برنامج ملعب أون تايم المذاع عبر شاشة قناة أون تايم سبورتس الفضائية : الزمالك ماشي بخطة ثابتة ، وحسين لبيب هيكون رئيس بعثة الزمالك في المغرب ، ودا افضل قرار بنسبة مليار في الميه.
وواصل : كابتن حسين لبيب وأعضاء المجلس عاملين غرفة عمليات وفيه تحفيز شديد للاعبين ، وحتي شيكابالا اللي مصاب شغال على قدم وساق وحاضر وبيدعم ، شيكابالا أيقونة ، في القدم شيكابالا واليد أحمد الأحمر ، في اسامي متتنسيش.
وأشار : الجمهور بقي حافظ اكتر مني ، جمهور الزمالك اقف وسقف ، جمهور الزمالك بيشجع ومفيش صفقات وبيشجع ومفيش صفقات وبيشجع في الإدارة السابقة وبيشجع في الإدارة الحالية ، بيشجع بس للكيان ودايما داعم له.
وأتم : هما كل اهتمامهم التيشيرت ومش مهم مين اللي لابسه.
