انتقد الإعلامي مهيب عبدالهادي ، تعادل منتخب مصر الأولمبي سلبيا امام الدومينيكان ، مؤكدا ان الأداء لم يكن على المستوي .
وقال مهيب عبدالهادي في تصريحات لبرنامج اللعيب عبر شاشة قناة ام بي سي مصر : شفنا المنتخب بيلعب وكأنه ملعبش ، مش دا منتخب مصر ، مع إحترامي للجميع الكرة اتغيرت وتطورت.
وزاد : المنتخب يخسر النهارده ، شفنا منتخبات عربية بتكسب النهارده وحاسين بقيمة الموقف ، دا تمثيل لا يليق بإسم مصر.
وأكد : ايه اللي اضافة زيزو والنني لمنتخب مصر ، مفيش اي حافز ولا اي روح ، اتحاد الكرة ضعيف جدا.
وتابع : بركات هناك وجمال علام والدنيا كلها هناك ، فين منتخب مصر ؟
وزاد : مين هيحاسب ؟ كل واحد بيلعب لوحده وكل واحد لغرض ما في دماغة ، علي أي أساس تم اختبار النني وزيزو ، مع إحترامي للجميع ، المفروض تاخد ناس مؤثرة معاك حتي لو هتاخد من زد.
وأتم : وكان فيه ضجه على ابراهيم عادل قبل البطولة ، ولكن في الكرة ولا أي حاجه خالص ، وريني نفسك مع المنتخب ولا تاكتيك ولا لعب ولا اي حاجه ، ونجم المباراة حمزة علاء ، حاجه تكسف بجد.
