أكد الإعلامي إبراهيم عبد الجواد ، ان البرتغالي جوزيه جوميز المدير الفني للفريق الأول لكرة القدم بنادي الزمالك ، رحب برحيل سيف الجزيري ، ومحمد صبحي .
وقال ابراهيم عبدالجواد مقدم برنامج ملعب اون تايم المذاع عبر شاشة قناة اون تايم سبورتس الفضائية : جوميز يرحب برحيل محمد صبحي و الجزيري
وواصل : هو شايف إن الجزيري مبقاش عنده الدوافع انه يرجع نفسه جوا الزمالك.
وأكد : أنا عاجبني ناصر منسي ، قبل جوله في الأهلي كان برا الزمالك ومش موجود ومحدش هيزعل عليه ، فسبحان مغير الاحوال وأكيد ما وراء الستار بيجتهد ويتعب ، فربنا إداله ، مشاء الله بيكح في اي حاجه يجيب اجوال ، مفيش ماتش الا لما بيجيب اجوال
وزاد : الراجل دا صبر وتحمل نقد الجمهور ، والفرصة لما جت مسك فيها وبقي فرس الرهان بعد ما كان بعيد جدا جدا.
وشدد : الجزيري بيعمل العكس ، فدا مزعل جوميز منه، وعاوزه يرجع نفسه ويظهر دا في التدريبات ، جوميز بقي منفتح على رحيل الجزيري.
وتابع : نفس الموضوع محمد صبحي ، وعواد نفس سيناريو ناصر منسي ، بعد ما كان هيمشي رجع نفسه وصبحي اللى بقي برا بعد ما كان عليه أمال كبيرة.
شاهد الفيديو
