بعد تصريح ميدو ! إبراهيم فايق يهدد رافضي تشجيع الأهلي في إنتركونتيننتال : لازم يقعدوا في البيت – فيديو

شن ابراهيم فايق هجوما قويا ، ضد رافضي تشجيع الأهلي في إنتركونتيننتال ، مؤكدا ان الهدف من تلك التصريحات إثارة السوشيال ميديا ، مطالبا المجلس الأعلى لتنظيم الإعلام بمعاقبتهم بالجلوس في منازلهم .

وقال ابراهيم فايق مقدم برنامج الكورة مع فايق عبر شاشة قناة ام بي سي مصر 2 : هخش في الموضوع على طول بدون ديباجات أو مقدمات ، الاهلي في القرعة بتاعة كأس العالم للان لاول مرة في تاريخه, وتاريخ كل الاندية المصرية في نسخة هي الأولى ف 2025.

وواصل : الحقيقة فوجئت ومصدوم من كم الهرتلة اللي بقالها على مدار 48 ساعة لا تتوقف في مناقشة موضوعات في منتهى السذاجة والتفاهة واشعال الفتن والتعصب.

وزاد : وخليكوا فاكرين كويس الأسماء بالناس اللي بتناقش موضوعات هتاخد الجمهورين تخبطهم في بعض الى اقصى وابعد مدى تحت بند البوم طاخ أوف انا جامد شفتني وانا بقول ان انا مش هشجع الاهلي شفتني لما قلت الاهلي لا يمثل الا نفسه شفتني وانا بقول الاهلي ما بيمثلش مصر.

وأكد : وصلنا لمرحلة بنناقش على الهواء اصل الأهلي لا يمثل مصر اومال يمثل مين الأهلي التنزاني ولا الأهلي السنغافوري هنسلخ الأندية من هويتنا ونخرج الأندية من جوه البلد.

وتابع : بطالب المهندس خالد عبدالعزيز، رئيس المجلس الأعلى للإعلام، بفتح ملف الناس اللي بتقولك مش هتشجع الأهلي ولا يمثل إلا نفسه مش مصر.

وشدد : الماسورة دي مش هتتقفل يا باشمهندس إلا لما ناس تتمنع وتتوقف وتقعد في البيوت وتتعلم قدسية الإعلام.

وأضاف : من وقت القرعه عمال أسمع ناس تقولك انا مش هشجع الاهلي لو حصل ايه وواحد يقولك الاهلي مش بيمثل غير نفسه سبتوا ايه للجمهور.

واتم : اومال الاهلي بيمثل مين لو مش بيمثل مصر دا الاهلي بيشرف مصر مش بيمثل مصر.

جدير بالذكر أن احمد حسام ميدو أجاب على سؤال احد المذيعين ، برفضه تشجيع الأهلي في إنتركونتيننتال ، لانه لا يشجع سوي الزمالك .

شاهد الفيديو