أكد أحمد حسام ميدو ، ان بطولة إنتركونتيننتال ، ستكون عبء كبير على اللاعبين، مضيفًا ان ضغط المباريات على مدار الموسم بسبب هذه البطولة سيكون مدمر .
وقال ميدو في تصريحات عبر شاشة قناة اون تايم سبورتس الفضائية : الهدف الأساسي من تطوير البطولة هو هدف تسويقي بحت ، والاتحاد الدولي عاوز يفيد الأندية المشاركة ماليا ويستفاد هو كمان.
وأشار : فيه منصة أمريكية اشترت حقوق بطولة إنتركونتيننتال بمليار دولار فقط حقوق بث ، البطولة هتنقل الأندية المشاركة فيها في حته تانيه ماليا.
وأكد : لكن إحنا ناسيين أهم عنصر في البطولة وهو اللاعب ، انت كدا بتدمر اللعيبة.
وزاد : لما لعيب الكرة يوصل ل78 ماتش في الموسم يبقي انت كدت بتخلص عليه ، ريال مدريد عنده 9 إصابات منها 3 إصابات كبيرة جدا.
وأتم : اعتقد لو الوضع استمر بالشكل ده ، فيه مواهب كبيرة هتخلص عليها بدري ، وهنرجع زي زمان نشوف لعيبة بتعتزل عند 28 و29 سنة من ضغط المباريات والإصابات.
شاهد الفيديو
