أكد طارق يحيى، نجم الزمالك السابق، أن الفارس الأبيض ليس خارج المنافسه مع الأهلي على البطولات، ولكن هناك اسباب وراء إبتعاد الفريق عن التتويج بلقب دوري أبطال إفريقيا.
وقال يحيى، خلال تصريحات تليفزيونية ببرنامج “اللعيب”، عبر قناة “mbc مصر”:” الزمالك ليس خارج المنافسه دائما وابدا في كل البطولات مع الأهلي، قصه الزمالك مش في افريقيا كلنا عارفين السبب وتكلمنا فيها مرارا وتكرارا هنا، وتسبب فيها الناس المسئولين اللي بيسيبوا النادي ميت في مشاكل بنصنعها بنفسنا المفروض تشتغل للمكان مش لاسمنا”.
وأضاق: “بالإضافة إن الزمالك اتظلم في حقبه ما، لما قالوا الـ7 اكبر من9 ومنح الأهلي لقب نادي القرن، رغم استحقاق الزمالك للقب”.
وأكمل يحييى:” الأهلي لما اخد من لقب نادي القرن عمل له دفعه معنويه واللقب راح له ازاي مش قصتي، الزمالك كان هيقوم ويشتغل لكن في امور بتعطله، الزمالك لازم يفوق واتمنى اشوفه في كأس العالم للانديه”.
وأتم:” المفروض طبيعي زمالك اهلي يكونوا في نهائي افريقيا كل سنه، لازم نغرس في اللعيبه ده، مشكلتنا بنفرح بمباراة والمفروض نحتفل ببطوله، والمفروض اتواجد ببطولة دوري الابطال”.
