أكد النجم المصري الأسبق أحمد حسام “ميدو” أن صراع الصدارة في الدوري المصري الممتاز بات أكثر تعقيداً بعد النتائج الأخيرة، مشيراً إلى أن تعادل الزمالك أمام إنبي وضع “الفارس الأبيض” في ورطة حقيقية قبل لقاء القمة المرتقب أمام النادي الأهلي.
وقال ميدو، خلال تصريحات تليفزيونية ببرنامج “أوضة اللبس”، عبر قناة “النهار”:” الدوري المصري المنافسه فيه كل شئ ممكن نتائج امس عقدت المشهد اصبح غير واضح”.
و أضاف:” الزمالك بتعادله مع انبي دخل نفسه في ورطة ونتيجة مباراة بيراميدز والاهلي مش مخليه الزملكاويه يبصوا للموضوع بالشكل الحقيقي، التعادل دخل الزمالك في ورطة ولازم تفوز على الاهلي علشان تقدر تفوز بالدوري”.
وشدد ميدو:” الاهلي والاهلاويه عندهم الزمالك مياخدش الدوري ويفوزوا بالقمة، قد يكون المخرج الوحيد للفريق هذا الموسم انه يكسب الزمالك،، وتسأل اي اهلاوي يقولك اتمنى افوز بالدوري والزمالك ميفزش به”.
وواصل: “الموضوع بدا عند الزمالك، الزمالك عمل مجموعة اخطاء كبيره خلته ميكسبش ماتش إنبي، ودي الحقيقه بكل صراحة انبي وحمزة الجمل قدروا يجروا الزمالك اللي عاوزينه، كل التحيه لانبي وحمزة الجمل عمل ماتش كبير امام الزمالك”.
و أشار ميدو:’حاجات كتير خلت الزمالك ميكسبش منها تغييرات كتيرة في التشكيل 4 تغييرات، وانت بتكسب كتير كان لازم التغيير في اضيق الحدود، انت 4 او5 ماتشات وتخلص الموسم، فكر في اللي جاي لك بس مش في اللي بعده، اللي حصل الزمالك دخل مباراة انبي ونصف عقله في لقاء الاهلي”.
وأكمل :” في هذه المرحله مينفعش تخش اي ماتش الا وتركيزك في الماتش ده وتشكيلك افضل تشكيل وتغييرات متبقاش مبنيه على الماتش اللي بعده وتحافظ على لعيبه علشان ماتش الاهلي”.
و أردف ميدو:” الفائز الاكبر نن نتايج امبارح هو بيراميدز، الزمالك 50 وييراميدز 47 متبصش انك زملكاوي للجدول بص انك رجل محايد، بيراميدز هيلاعب انبي والزمالك الاهلي، الزمالك مطالب ميخسرش قدام الاهلي، الزمالك ليتعادل ليكسب يبقى عنده افضليه انما يخسر، الزمالك مش هياخد الـ 6 نقط امام سموحه وسيراميكا لو خسر من الاهلي”.
وزاد: “الوقت ده مفيهوش مخاطره ولا وقت العب لاعب معندوش فورمة ماتشات ومش وقت الجزيري، لو هريح ناصر يبقي عدي الدباغ وشيكو بانزا كسبني بيراميدز يبقى انزله بديل مش ماتشاته هو والجزيري، وبيزيرا وعبدالله ميخرجوش من الملعب كل دي اخطاء لازم تتراجع”.
وأختتم:” بيراميدز اتعلم من اخطاءه امام الزمالك وتفادها امام الاهلي”.
