في تصريحات أثارت جدلاً واسعاً قبل ساعات من اللقاء المرتقب بين الأهلي وإنبي، أكد أيمن الشريعي، رئيس نادي إنبي، أن طموحات فريقه لا تتوقف عند محطة معينة، مشدداً على أن مواجهة “الأحمر” هي استكمال لمسيرة النادي في تصدير المواهب وإثبات الشخصية، تماماً كما حدث في مواجهة الزمالك السابقة.
وقال الشريعي، في مداخلة هاتفية ببرنامج “ملعب أون “، على قناة “أون سبورت”: “أيمن الشريعي امبارح زي أول امبارح زي السنة اللي فاتت زي إن شاء الله السنة الجاية كان لنا عمر، لا لا أفكارنا بتتغير”.
…
و تابع:” نفس الكلام اللي بنقوله وبنكرره وهناكد عليه ثاني، إحنا لينا هوية خاصة مصر كلها أعتقد عرفتها، ولينا أهداف معينة. أهدافنا في الأول وفي الآخر نجومنا يطلعوا ومصر كلها تشوفهم ويشوفوا التجربة بتاعتنا، وده حاجة بتترمي في الـ branding بتاع إنبي سواء مع الزمالك، سواء مع الأهلي، سواء مع بيراميدز الفكرة واحدة. اختلاف الأندية مش هيخلي أداء إنبي يختلف في حاجة”.
وشدد الشريعي:” إحنا عندنا، أنا عايز أقول لك إن أنا بقالي ثلاث أربع ماتشات عندي مساك اسمه شرقيه 2007 بيشارك، مع بيراميدز محمد عماد 2005 بيشارك، ندخل لعيبتنا وبندخل الولاد الجداد، ومع الأهلي برضه ولاد جداد عادي هي دي الهوية بتاعة النادي.
و أضاف : “إحنا ننجم نجم من نجومنا الساطعين اللي اطلب في أندية في إنجلترا وأندية في هولندا، مواليد 2007، إحنا مع 2007 2008 وهيبقى موجود في ماتش الأهلي، إحنا دايما بندخل لعيبتنا شوية بشوية زي ما أنت عارف عقبال لما ياخد الخبرات زي حامد عبد الله وزي علي محمود وعندي علي إيهاب في مجموعة موجودة. الفكرة هي إحنا شغالين للفكرة دي من أول الموسم”.
وواصل الشريعي:” أول حوار كان معاك وقلت لك أنا عايز أبقى مع المجموعة اللي تحت والدنيا اتقلبت طب طلعنا فوق شغالين برضه بندخل ناس ودخل ناس جديدة، إحنا ما غيرناش فكرتنا، فكرتنا واحدة، إحنا مش في جانب ضد جانب، إحنا هوية لوحديها شغالة بأهداف معينة بتارجت معين هنحققه هنحققه بكل سلاسة”.
وأكمل: “إحنا النهاردة أو يعني بعد بكره بنلاعب النادي الأهلي، عارف يعني إيه النادي الأهلي؟ يعني نسبة كبيرة من لاعيبة منتخب مصر، يعني 50 70% مش منتخب مصر من الأساسيين اللي بيشاركوا في منتخب مصر اللي رايحين كاس العالم كمان شهر وفي لعيبة عندي عارضهم”.
واردف الشريعي:” إحنا عندنا بعد بكرة أنت عارف ده آخر ماتش لينا في الموسم اللي موجود، ماتش يعني أنا ليه في طبيعة خاصة؟ الأهلي عارف إنه الماتش ده بالنسبة له لإما يكسب ويجدد الفكرة بتاعة المنافسة على لقب الدوري لإما يحصل خسارة أو تعادل فيخش كونفدرالية، مقارنة صعبة جداً وحاجات عكس بعضها قوية جداً”.
وزاد: “دي مش حسبة، إدارة الأهلي هي اللي تفكر في الكلام ده. لا لا لا ما هو أنا لازم أعرف الشباب بتوعي هينزل في أجواء عاملة إزاي علشان أهيأهم نفسياً للكلام ده. دوري كإدارة على فكرة، مباراة الزمالك زي الأهلي، لأن الجمهور ما هو الأهلي والزمالك قطبين الكورة المصرية جماهيرهم جماهير غفيرة محترمة بيحبوا أنديتهم بيقفوا يشجعوا لآخر دقيقة، متحمسين حماس رهيب وهم الأبطال الحقيقيين في القصة صح.
وأكد الشريعي:” كهربا من ساعة لما دخل نادي إنبي منتهى الانضباط اللي شفته من الخمس سنين اللي اشتغلتهم في النادي. كهربا ليه دور عنيف جداً في أوضة اللبس وبيمثل جزء من الإدارة بأوضة اللبس وهو كابتن كبير ونجم كبير شاء من شاء وأبى من أبى. يعرف لما يجي يتكلم الولاد يسمعوه، يعرف يحدد أهدافهم ويوجههم توجيه مظبوط ويعدل دماغهم ويحدد لهم التارجت بتاعهم، ده جزء كبير جداً من الكورة صح”.
وأستأنف: “يعني أنا بس أنا شايف دايماً إن إنبي دايماً يعني لا في حوار ما فيش حوارات وما فيش حاجة. إحنا بنلعب الأهلي بنلاعب الزمالك بنعمل حسابات ليهم وبنعمل حسابات لبيراميدز وبنعمل حساب لكل نادي بنتعامل معاه في الـ 90 دقيقة، هدفنا الأول والأخير إن العيال تستمتع في الماتش صح”.
و أشار:” عمرو الجنايني تربطني بيه علاقة بره الكورة باينة قدامنا على الشاشة، عمرو الجنايني من الشخصيات المحترمة جداً، علاقة أسرية بحكم زمالة ابني وبنته عشان تبقى عارف يعني، فما كانش فيه أي حاجة ولا كان في لوم اللي هم قالوه. عمرو الجنايني بنضحك مع بعض وقبليها متصور أنا وهو وابني سيلفي، ما فيش أي موضوع ما تكلمناش أصلاً على الماتش”.
وأسهب الشريعي: “مين قال لك إن إحنا مش عايزين حاجة من ماتش الأهلي؟ على فكرة لعيبتي لما تنزل تستمتع في ماتش بيراميدز أو ماتش الزمالك أو ماتش الأهلي، الاستمتاع ده مطلوب لتسويق لعيبتي وإن هم ياخدوا الثقة أكيد. إحنا مش هنقفل، إحنا مش بعد الدوري ده هنقفل النادي عندنا موسم جاي وموسم بعده، الموضوع بسيط جداً يعني”.
وأختتم:” اتمني ان كابتن حمزة الجمل و الـ 11 لاعب ربنا هيوفقهم ويختارهم عشان يلعبوا يعملوا ماتش كبير قدام فرقة كبيرة بتمثل منتخب مصر ترفع من روحهم المعنوية وتديهم ثقة قصاد نجوم كبار. أنا شايف إن حامد عبد الله لما يلعب قدام حبيب قلبي شهادتي فيه مجروحة مصطفى شوبير أو الشناوي، ده إحساس لما يوصل لواحد زي حامد وواحد زي علي، المجموعة دي لا طبعاً دي حاجة بالنسبة لي أنا نجاح، فلسفة إنبي إحنا بننزل أي مباراة نكسب أنا بتاع الإدارة مش بتاع الكورة”.
