عمرو اديب في نادي بمصر اسمه الأهلي هوايته اخد لاعبي الزمالك ماموقفك؟.. رد حاسم من بيزيرا
رد البرازيلي خوان بيزيرا، نجم نادي الزمالك على إمكانية انتقاله إلى الغريم التقليدي الأهلي حال عرض عليه الامر.
وقال بيزيرا، خلال تصريحات تليفزيونية ببرنامج “الحكاية”، عبر قناة “mbc مصر”:” جمهوري نادي الزمالك بيحبني وأنا بشكرهم جدًا على الدعم، عقدي 3 سنين ومستمر مع الزمالك الموسم الجاي”.
وتدخل الإعلامي عمرو أديب ووجه له سؤال قائلا:” أنت عارف إن في نادي في مصر اسمه النادي الأهلي بيحب ياخد اللعيبة الكويسة من الزمالك، أنت لو اتعرض عليك الموضوع ده هتبقى معانا ولا ايه؟
ليرد بيزيرا:” أنا مع الزمالك، هو اللي احتضني وهفضل فيه وهقدم كل حاجة عندي”.
وعاد عمرو أديب:” ما اللي فاتت برضوا كان الزمالك احضتنهم وعملهم كل حاجه، أنت بيفرق معاك موضوع العقد والفلوس وكده.. أصل خلي بالك الأهلي من هواياته أنه بيحب يكلم اي لاعب في الزمالك لازم يعني”.
ليجيب بيزيرا:” تفكيري كله مع الزمالك، وأنا فرحان جدًا وهفضل مع الفريق”.
وواصل عمرو أديب: “أسأل الونش اللي جنبك اهو قالك أنهم كلموه برضوا وكان في مفاوضات علشان ياخدوه الأهلي تقريباً كلم اي حد زملكاوي يروح النادي .. إلا أنا في مصر، فاهمني يا بيزيرا؟
ليختتم بيزيرا:” فاهمك فاهمك “.
