أثار الإعلامي مهيب عبدالهادي حالة من الجدل بعد تصريحاته النارية خلال تقديمه برنامج “اللعيب” على قناة إم بي سي مصر، حيث وجّه انتقادات حادة لما وصفه بمحاولات التقليل من أي شخص يدعم نادي الزمالك أو يسانده. واعتبر كثيرون أن حديثه يحمل رسالة غير مباشرة إلى الإعلامي أحمد شوبير، وذلك بعد انتقاد الأخير لتصريحات أيمن الرمادي، مدرب الزمالك السابق، الذي حرص على دعم الفريق الأبيض قبل مواجهة اتحاد العاصمة في نهائي الكونفدرالية.
وقال مهيب عبدالهادي، عبر برنامج “اللعيب” على قناة إم بي سي مصر: “أنا بستغرب جدًا من أي حد بيدعم نادي الزمالك ويطلع حد يتكلم عليه.. حاجة غريبة جدًا، واحد بيعمل حاجة كويسة ويطلع واحد يفطسها ليه؟ ويتكلم عليها وكأن محدش بيفهم غيره. في ناس ربنا خلقها علشان تفطس الناس لمجرد إن حد اتكلم.. علشان أنا حد فاضي بقى”.
وأضاف: “واحد بيدعم نادي الزمالك، وإنت مالك بيه يا عم؟ مضايقك في إيه؟ واحد بيدعم الأهلي براحته، يقول اللي يقوله. لأ، هو تقريبًا إزاي تعمل حاجة حلوة؟ ممنوع تعمل كده.. ممنوع تدعم، ممنوع تتكلم”.
وتابع: “تقعد تهاجم علشان الناس تهاجمك، وبعدين تحصل شكاوى، ودلوقتي إدارات الأندية كمان، اللي يقول صباح الخير بيحصل فيه شكوى”.
واختتم تصريحاته قائلًا: “طيب ما تبص لنفسك شوية.. اللي قاعد يتكلم ده يبص على نفسه شوية. لما إنت تبقى 100 على 100 ابقى اشتكي، لما تبص يمينك وشمالك، وفي الغرف المغلقة، وبص في دفاترك وبص لحالك.. وبعدين ابقى اشتكي، مش وقته والدنيا ما بتمشيش كده”.
