علق حسن شحاته، مدرب منتخب مصر السابق، على عدم إنضمام مصطفى محمد، مهاجم نانت الفرنسي، لصفوف الفراعنة في منافسات بطولة كأس العالم 2026،ووجه رسالة للاعب.
وقال شحاتة، خلال تصريحات تليفزيونية ببرنامج “اللعيب”، عبر قناة “mbc مصر”، ردا على سؤال قبل اي بطولة كبيرة بيتحط المدير الفني تحت ضغط بسبب اختيارات القائمه وماخدش مصطفى محمد المحترف ومهاجم الزمالك السابق مثل انت ما اخترت جدو على حساب ميدو؟:” انا شوفت جدو مرتين قبلها ومخوفتش لما اخترته، لدرجه الجهاز المعاون احمد سليمان وحمادة صدقي وشوقي غريب اختلفوا معي بسببه”.
وتابع: ” هل حسام حسن اخطئ بسبب مصطفى؟ انا مغلطش اي مدرب يختار لعيب، هو يتحمل مسئوليه اي لاعب انت بتغير 11 لاعب خلال المباراة ووقت المباراة بتلعب 11 لاعب ويغير 2 ب2 ومقدرش اتكلم علي مدرب اختار ده ليه”.
وشدد شحاتة:” مشكلتنا بنقلبها زمالك واهلي مره اخترت 9 اهلي ومختارتش ولا واحد زمالك لان باكون عادل في اختياراتي ومكنتش مقتنع بحد منهم وشيكابالا مبيحبش المعسكرات، ومتعرضتش لهجوم لاني عادل في اختياراتي واخدت بطولات والبطولات بتحصن اي مدرب”.
وأختتم:” اقول لمصطفى من حظك ان مختاركش حسام حسن لغرض في نفس يعقوب، شايف انه مبيأديش ومبيحرزش اهداف وميظلمش حسام حسن معرفش العلاقه بينهم ايه هو يتحمل اختياراته”.
