أكد حسين لبيب، رئيس مجلس إدارة نادي الزمالك، أن النادي يعمل
على حل الملفات المختلفة داخل القلعة البيضاء، مع التشديد على أن الزمالك سيظل نادي بطولات هدفه المنافسة على الألقاب،وكشف مصير معتمد جمال المدير الفني للفريق.
وقال لبيب، خلال مداخلة هاتفية ببرنامج “على مسئوليتي”، عبر قناة “صدى البلد”:” احنا حاليا الشغل الشاغل بتاعنا المحاور الإنشائية وبنحاول نحل الأزمات التانية، ونحاول نحل ازمة ايقاف القيد وبنحاول نحل كل حاجه وان شاء الله بنحاول وعندنا مشاكل “.
و أجاب ردا على سؤال هل وارد تبيع نجوم الفريق: “النهارده عشان أكسب البطولة دي أنا محتاج 1، 2، 3، 4. طب 1، 2، 3، 4 هل إمكانياتي تسمح بالواحد والاتنين والتلاتة؟ ولا نبتدي نوجد هذه حلول؟ فيبقى المبدأ الرئيسي مش إن أنا هبيع ولا هشتري، المبدأ الرئيسي أنا التارجت أو الهدف بتاعي إيه وإزاي أوصل، وبنلاقي أحسن وسيلة نقدر نوصلها”.
و أكمل:” زي برضه يعني هدي مثال، أما كنا في الدوري وجينا في يناير بعنا اتنين من لعيبتنا الأفاضل و من أعلى النجوم وبالتالي قدرنا نحقق بطولة الدوري، فهي بتبقى يعني مالهاش دعوة ببيع ولا بشراء، هي لها دعوة بالنظرة والهدف اللي أنت حاطه وإزاي توصل للهدف. دلوقتي بطولة إفريقيا نادي الزمالك اللي غايبة عن نادي الزمالك يمكن سنوات طويلة”.
واختتم لبيب ردا على سؤال: “معتمد جمال اللي أخد الدوري؟ وارد مدرب أجنبي يبقى موجود؟ لعيبة جداد؟ ولا ده لسه بتبحثوه؟” “معتمد ابن من أبناء النادي المخلصين، وده لسه ما اتفقناش عليه، إنما معتمد معانا وابن من أبنائنا المخلصين وهو موجود معانا لغاية كل وقت”.
