وجه حسن شحاتة، نجم الزمالك السابق، رسالة نارية لمجلس إدارة الفارس الأبيض، على الهواء في حضور أحمد سليمان عضو المجلس، بسبب أزمات النادي وإيقاف القيد.
وقال شحاتة، خلال تصريحات تليفزيونية ببرنامج “اللعيب”، عبر قناة “mbc مصر”، ردا على سؤال رأيك في ازمات الزمالك وايقاف القيد؟:” مايحدث في الزمالك لا يحدث في اي نادي بالعالم، ناس عندها ايقافات بالجمله محتاج حد معه فلوس”.
وأضاف:” وحد بيصرف زي الاستاذ ممدوح عباس اللي بيدفع وربنا يكون في عونه، ولسه بيصرف و مبيكلمش، ولا بيسترد الفلوس دي لان ده ناديه”.
وتابع شحاتة: “الناس دي قاعدين على الكراسي بيعملوا ايه؟ وعاوز اعرف المجلس بيعمل ايه؟”.
وأختتم:” انا مبروحش النادي لظروف تعبي، لكن اللي بسمعه غريب جدا، واقول للادارة ايه هتجيبوا فلوس منين لكل القواضي دي؟، لازم حد يدفع ويساعد ويحل مشاكل الزمالك، أنت بتقولي ماذا يحدث في الزمالك فأنا بقولك ماذا يحدث في الزمالك انا نفسي محتاج أعرف”.
