وجه الإعلامي مهيب عبد الهادي رسالة قوية ومباشرة إلى مجلس إدارة نادي الزمالك، مؤكداً أن الدولة المصرية قدمت دعماً كبيراً للأندية الشعبية، وعلى رأسها نادي الزمالك، كجزء من استراتيجيتها لدعم الرياضة وتطوير البنية التحتية للأندية الجماهيرية، مشيراً إلى النجاحات التنظيمية التي شهدتها الملاعب المصرية مؤخراً في المباريات الكبرى.
و أضاف عبد الهادي، في تصريحات تليفزيونية ببرنامج “اللعيب”، عبر قناة “mbc مصر”:” الدوله عارفه كل حاجه وقيمة للانديه الشعبيه، وقيمة الزمالك الاسماعيلي والمصري، وده سلاحنا الانديه الشعبيه، لما شوفنا نهائي بيتلعب بين المصري وانبي في نهائي كأس الرابطة، وشوفنا جماهير المصري وستاد متقفل “.
وواصل:” واللي حصل مع الزمالك انجاز وضربة البدايه من الرئيس والدولة، اما نادي الزمالك معندوش حجه اشتغلوا بقى، ناس اصحاب فكر ورجال اعمال اشتغلوا بقى جالك 65 فدان واستثمارات رسميه وموقع احسن من اللي فات و40٪ استثمارات”.
و قال عبد الهادي: “طلع الزمالك من اللي هو فيه اشتغل بقى، ويقصر الطريق لخروج الزمالك من ازمته جتلك الدفعه الاولى خلي عندك حميه، شغل دماغك اشتغل، دورك انك تخرج الزمالك وميبقاش في صفقات مضروبة ولا لاعب يعدي من قدام النادي ويمشي وياخد ملايين”.
و أردف:” لازم يبقى في عناية في الاختيارات ويبقى في رقابه واللي شغالين لازم يبقى عليهم رقيب، يا فرحتي اديك ارض واستثمار ويكون عندك 18 ايقاف قيد وازمات”.
وأتم: “معندناش مصلحه، اشتغل وطلع الزمالك من اللي هو فيه ويأخذ الرخصه ويبقى في استثمارات واللهم بلغت”.
