كشف هشام مصر، نائب رئيس الزمالك، عن أخطاء مجلس الإدارة خلال الفترة الماضية، ودافع عن تجربة جون إدوارد المدير الرياضي للنادي والشئون القانونيه.
وقال نصر، خلال تصريحات تليفزيونية عبر قناة “Modern mti”:” : “انت عملت كل اللي عليك في الكونفدرالية ووصلنا لضربات الترجيح، قبل اي قرار بيتم دراسته مع كابتن معتمد وناقشنا ايه تأثير بيع دونجا وناصر ماهر، حلينا مشكله وسدينا الفراغ وحققنا نتائج، يبقى القرار صح”.
و تابع:” مجلس الإدارة عنده خطأين،الأول سقف الطموح كان فوق ما تتخيل وعاملين دراستنا قبل دخول النادي على حاجه ووجدنا 3 اضعاف، الخطأ كان لازم نصارح الجمهور ونحطهم معنا في الموضوع كان لازم نقول اللي وجدناه”
و أكمل نصر:” الناس زعلانه بسبب ايقاف القيد؟، هذا المجلس فك القيد 4 مرات لما تدفع 6 ونصف مليون دولار، مش بتوعنا لو الفلوس دي معنا كان حصل ايه”.
وواصل: “اتقال لن نقع في نفس قضايا الماضي؟ نعم ولكن هل الوضع اضطراري ولا تخاذل؟، القضايا بارقام ضعيفه علشان تعرف الوضع عامل ازاي، انت وصلت للي وصلت له بوضع صعب،في 650 الف دولار من المجلس تم دفعهم لحل ازمة القيد ومن الاستاذ ممدوح عباس” .
و أضاف نصر: “حققنا بطولات اعمل ايه اكتر من كده ايه؟ ديون الزمالك 2 مليار ونصف ال هتقدر تدفعهم لا هندفع قدر المستطاع”.
وأشار:” الخطا التاني، السوشيال ميديا معندناش درع يحمينا، نفسي الناس تلتف حول الزمالك، بدل التفاف حول الاخطاء، من اصغر شئ بنجد الفاظ وشتيمه لازم تشوف الجزء المليان حققت لك4 بطولات من العدم”.
وزاد نصر: “احنا هنشتغل في الزمالك او انا هشتغل لغايه اخر يوم مسموح لي به، حتى نهاية مدتي، وبعدها نقدم كشف حساب الوضع كان ايه وبقى ايه في النادي، وخارجه الزمالك نادي جماهيري رياضي اجتماعي كل حاجه اتعمل فيها شغل، النتائج مش باينه؟، لسه”.
واسترسل:”لازم التقييم بالمتاح ووفرت ايه وحققت ايه اتعمل ملاعب جديده وغيرنا بلا فخر ارضيات النادي وعملنا حدائق وجناين غطينا حمام سباحه للسيدات وجددنا الملاعب وصالة الجيم واتعمل حاجات، الله اعلم هنزل الانتخابات القادمه ام لا لا اسعى للمنصب المنصب هو بيطلبني”.
وأسهب نصر:” احنا مجموعة مظلومه تعالوا اقعدوا مكانا تواصلنا مع اسماء كبيره ساعدوا معنا ولما بيجيوا بيتهاجموا وبيخاض فيهم لمساعدتهم النادي، والناس جالهم تهديد
وشدد:” مين بيصرف؟، مجلس الادارة بيمضي على الشيكات بناء على رؤيه فنيه بلاش كلام مرسل جون كان حاطط رؤيه لـ3 سنين وحقق اكتر من التارجت اقصى طموحنا والمخطط نكسب الكونفدرالية ونحتل مركز من اول 3 مراكز في الدوري “.
وأكمل نصر:” اي تجربه فيها ملاحظات وتطوير دخلنا ننفذ وهو اشتغل في 3 انديه كبيره وعنده خبره عظيمه الانديه الاخرى فيها امكانيات، وعندنا تجربه جديده هناك كان متوفر كل شئ لكن عندنا العمل من رحم المعاناة، قولنا هتعمل ايه قال عندي 3 سنين عاوز 3 انتقالات علشان اوصل دوري ابطال اذا في خطه الي حصل فزنا بالدوري ووصلنا دوري الابطال”.
و أردف:” حصل ايه وجون ادوارد شغال؟ هل الامكانيات وفق خططه؟ حصل ازمات وحقق نجاح كبير وكنا بنوفر المستحقات ووراه مجلس وفره كل الامكانيات واحد الحلول بيع 2 من الفريق
وأختتم: “محمد متولي هل قصر في القضايا؟ المشكله مشكله فلوس وليس اشخاص هم عملوا مفاوضات ومقدرناش نوفر الفلوس دي و دفعنا اللي معنا للعيبه الموجوده للفوز بالدوري، كنا بنقرب للدوري فكان لازم اختار للي بيلعب”.
