أكد المهندس هشام نصر، نائب رئيس نادي الزمالك، أن مجلس الإدارة نجح في قطع شوط كبير ومهم في ملف “أرض نادي الزمالك”، مشدداً على أن العمل جارٍ على قدم وساق لاستكمال حلم جماهير القلعة البيضاء والحفاظ على حقوق النادي ومكتسباته.
وقال نصر، خلال نصريحات تليفزيونية عبر قناة” النهار”:” ربنا يعلم احنا بذلنا مجهود كبير زي في ملف ارض نادي الزمالك علشان نستكمل حلم الجماهير وميحصلش اي ضرر لنادي الزمالك “.
و أردف:” أحب اقدم الشكر لفخامة الرئيس عبدالفتاح السيسي وطبعا معالي رئيس الوزراء ووزير الشباب والرياضة ووزيرة الإسكان واخص بالتقدير النائب محمد مجاهد بذل مجهود كبير “.
و أكمل نصر:” تخصيص جزء استثماري؟ من أهم النقاط اللي اتكلمنا فيها وللاسف في ناس بتقول على نفسها زملكاويه كانت بتشكك في الفكرة “.
وشدد:” قدرنا ناخد نفس الامتيازات والاشتراطات للمنطقة الاستثمارية في الأرض الجديدة ولكن هناك تشديد في الإجراءات والمراقبة من أجل الموعد اللازم لإنهاءها وده يمكن السبب في أزمة الأرض الأولى هو طول المواعيد “.
وواصل نصر:” والحمدلله موضوع الاستثماري موجود وشغالين على كافة التفاصيل، واعتبرنا أننا ابتدينا في الرسومات وكل التفاصيل خلاص بتاعه الأرض هتكون جاهزة علطول”.
وأختتم:” تخصيص أرض في التجمع الخامس؟.. احنا فتحنا الباب والأهم اننا نقدر نخلص مواعيد الأرض الحالية وبإذن الله يكون في ارض كمان”.
