تحدث حسام المندوة، أمين صندوق نادي الزمالك، عن صلاحيات المدير الرياضي الذي من المفترض تواجده داخل جدران الفارس الأبيض خلال الفترة المقبله خلفا لجون إدوارد.
وقال المندوة في تصريحات لراديو “صوت الزمالك”:” نفتكر إن إحنا في فترة كان ياينك فيريرا غير موفق وتدخل المجلس وأصر على التغيير وجيه كابتن أحمد عبدالرؤوف ثم كابتن معتمد جمال، اللي حصل على الدوري”.
وواصل: “تجربة المدير الرياضي مستمرة لنادي الزمالك، وعشان كده النهارده لما افكر في شخص عنده خبرة رائعة في هذا المجال اسمه حسام الزناتي”.
و تابع المندوة: “امبارح شوفت لقاء لشاب كويس جدا اسمه ادهم جاسر وراجل اشتغل في اسبانيا وكان من ضمن الأسماء اللي اتشافت وكلها اسماء محترمة”.
وشدد:” لكن الزمالك بيدور على النموذج اللي يناسبه في الظروف الحالية، انما إعطاء الصلاحيات كاملة ثبت إنها مينفعش تحصل”.
وأتم :” ممكن تدي صلاحيات لكن بإشراف مباشر منك ولازم المجلس يكون ليه تدخل واضح، مش عايز اتطرق ليها ومن أهمها ملف القضايا الدولية اللي حصلت على النادي ودي من السلبيات واللي مفتوح حاليا تحقيق فيها لماذا وصل الحال لما وصل إليه”.
