تحدث حسام المندوة، أمين صندوق الزمالك حول موعد الإعلان عن المدير الرياضي الجديد، للنادي وأشار إلى أن هذا الملف مسجّل بالكامل تحت إشراف الكابتن حسين لبيب باعتباره المخول بالحديث فيه، رافضًا الخوض في تفاصيله المبكرة.
وقال المندوة، خلال تصريحات عبر راديو صوت الزمالك، ردا على سؤال ما هو موعد الإعلان عن المدير الرياضي الجديد في الزمالك؟:” الملف ده مع كابتن حسين لبيب وهو اللي يقدر يتكلم فيه .. مش عايز نخوض فيه”.
و أضاف:” ملف الكرة حاليا ماشي كويس وفي كابتن عبدالناصر محمد كويس جدا وكابتن حسين السيد بيقوم بمجهودات كبيرة ومطلع عينا وإحنا كلنا في ظهره، بس احنا عايزين اللي يجيي يستقر ويبقى أنت عارف مدخلاتك ايه ”
و اكمل المندوة: “لازم نتعب في الملف ده جداً لأن في الاخر الملف ده بيضرب في وشنا إحنا، فاللي هيجي لازم نقوله بعض المشاكل الموجودة أو اللي هتظهر في وجودك لازم يكون عندنا حنكة نحل بيها المشاكل دي”.
وشدد :” متصدرش مشكله لنادي الزمالك وتقول إنها مشكلة مالياً فقط .. لا لا في أمور كتيرة ينفع نحل بيها غير الأموال وضربت مثل بموضوع سيف الدين الجزيري واللي حصل معاه مؤخرا “.
وأتم:” في الاخر اللي جاي مش هيبقى وحش لكن مش سهل أبدا محتاج ناس عندها قدرة على التحدي”.
