فتح محمد الشرقاوي، خلال ظهوره في برنامج «ستاد مصر» عبر قناة مودرن، ملف استمرار أحمد سيد زيزو مع الأهلي، مقدماً رؤيته حول تأثير الأمر على الفريق.
رؤية الشرقاوي
وقال الشرقاوي: «تواجد زيزو واستمرار تواجد زيزو عامل مشكلة لا تزال موجودة في النادي الأهلي»، قبل أن يوضح أنه لا يصف اللاعب بالسوء، قائلاً: «أنا ما بقولش يا زيزو اللعيب وحش، لعيب هايل، لكن مداش عشرة في المية من اللي كان بيديه في نادي الزمالك».
وربط الشرقاوي ذلك، بحسب رؤيته، بما يراه من تفاوت بين ما يحصل عليه اللاعبون وما يقدمه كل منهم للفريق، قائلاً: «إنت كلاعب في النادي الأهلي بتاخد تقريباً ربع أو تلت اللي بياخده زيزو، وإنت شايف إن مجهودك أكبر منه وإنت أو الفريق بيستفيد منك أكتر من زيزو، فطبيعي جداً إن المستوى العام بتاع فريق النادي الأهلي يقل».
واستكمل الشرقاوي موقفه من استمرار زيزو بقوله: «طول ما النادي الأهلي فكرة عناد مع زيزو ما ينفعش يمشي عشان شماتة جماهير الزمالك، هيفضل فريق النادي الأهلي في تراجع طالما سي زيزو موجود».
