أطلق الكابتن عبد الواحد السيد تصريحات مدوية حول كواليس الإطاحة بالمدير الفني لمنتخب مصر، مؤكداً أن الكابتن حسام حسن هو من تسبب في رحيل نفسه بسبب معاركه الكلامية المستمرة بعد المباريات.
وقال عبد الواحد،خلال تصريحات تليفزيونية ببرنامج” اللعيب”، عبر قناة “mbc مصر”:” أنا كنت اتمنى طبعاً الكابتن حسام يكمل مع المنتخب، لأن أنت زي ما قلت رجع الهيبة للكرة المصرية ورجع الجماهير كمان تتفرج على ماتشات المنتخب وشوفنا كأس العالم اللي حصل في الأجواء اللي حصلت كلنا وكلنا كان مبسوطين “.
و أضاف:” اللي مشى كابتن حسام هو كابتن حسام، أولاً تصريحاته ضد مصطفى محمد، بعد كده الشناوي، بعد كده مع محمد صلاح كانت مشكلة الكابتن حسام حسن في الحوارات اللي بيعملها بعد المباراة “.
وشدد عبد الواحد:” الناحية الشخصية إن ما فيش حد، إنت حياتك الشخصية دي ما فيش حد يقدر يتكلم فيها دي بتاعتك، لكن طريقة الكلام (ربع محترف) دي كانت إهانة بالنسبة لمصطفى محمد، خسر بقى جمهور الزمالك “.
واختتم:” وكلامه عن محمد الشناوي خسر بيه جمهور الأهلي، محمد صلاح ليه جمهور طبعاً، فكان التصريحات اللي بعد المباراة أنا أعتقد إن كان ممكن تتقال بطريقة أشيك وأحسن من كده كان الموضوع هيختلف تماماً “.
