“القصة مش فلوس”.. أحمد سليمان يكشف السر الخفي وراء اخفاقات ألعاب الصالات ويطالب بعودة هذا الرجل!

“القصة مش فلوس”.. أحمد سليمان يكشف السر الخفي وراء اخفاقات ألعاب الصالات ويطالب بعودة هذا الرجل!
Oplus_131072

علق الكابتن أحمد سليمان، عضو مجلس إدارة نادي الزمالك، على تراجع نتائج ألعاب الصالات بالنادي، مؤكداً تحمل المجلس للمسؤولية الكاملة، ومطالباً بالاستعانة بخبرات رحاب أبو رجيلة.

وقال أحمد سليمان في تصريحات تلفزيونية مع الإعلامي مهيب عبد الهادي رداً على سؤاله حول تراجع ألعاب الصالات: “بتهيألي يُسأل في ذلك المشرفين على ألعاب الصالات يعني، أنا راجل مجلس إدارة بيتعرض عليا حاجة في المجلس بوافق و اامش بوافق عليه في ألعاب الصالات بعترض عليها”.

وتابع:” لكن في فترة كان قبل 2014 كان الزمالك حصل دروب في الكورة حوالي 10 سنين، خدنا اتنين دوري بس، اتنين كأس، فأنا حاسس إن الفترة دي كده، بس قدام هتبقى أحسن يعني بعد ما شفتوا التطور في فريق اليد، المشرف المهندس هشام نصر،ما إحنا كلنا مع بعض مجلس مع بعض نتحمل المسئولية”.

وشدد سليمان: “كنت مشرف على الكورة والمجلس كانوا معانا يعني، مفيش فرقة مفيش كورة ماتش بسيبه مع رئيس بعثة أو مشرف معايا؛ حسين لبيب وعبد الله جورج وحسام المندوه رامي وأحمد، معانا مجموعة كبيرة جداً، كان في التفاف كبير، النهاردة بشوف مفيش رئيس بعثة بيطلع لكن برضه في أقول لك في فترة كان في دروب”.

وواصل:” وفي على ما أظن فترة جه المهندس رحاب أبو رجيلة وأحمد مرتضى وعملوا شغل كويس جداً، رحاب الصراحة على مستوى القاعدة الجماهيرية عمل مجهود في ألعاب الصالات قدر ياخد بطولة أفريقيا، عمل شغل كويس جداً، طور من الأداء، خلى الجمهور بنسبة كبيرة مع ألعاب الصالات، فأنا شايف إن في تطور عن السنتين اللي فاتوا، برضه أتمنى إنه يجي اللي جاي يعني إن شاء الله ”

و أضاف سليمان:” إحنا فترة زي ما قلنا كنا إحنا النسبة الأكبر ملوك الصالات، النادي الأهلي طور، اشتغل على الحتة دي، بقت متعبة جداً بالنسبة له. العامري فاروق الصراحة الله يرحمه من الناس القريبين ليا شخصياً، تولى هذا الملف، وخالد العوضي عمل طفرة، وأنا كنت لسه مقابله في ماتش السلة الأهلي والزمالك حتى قال لي أنا خلاص مش هشتري تاني ده سياستي السنة اللي جاية إن هو عنده خطة وبرنامج “.

و أشار:” ألعاب الصالات في فترة من الفترات رحاب أبو رجيلة، وراجل ابن الكابتن أبو رجيلة وما كانش ليه في الصالات لكن قدر عمل حاجات كويسة جداً، ولمّ الجماهير، كان اللي بتتملي عندنا الصالة المغطاة كانت بتتملي الألعاب أحمد الأحمر والحاجات، الألعاب الصالات عملوا نتائج كتيرة جداً، فأتمنى إن المجلس يعني المجلس يستعين بواحد زي رحاب أبو رجيلة، كان ليه فكر قبل كده وعمل نتائج كويسة يكون موجود في الفترة دي مثلاً يعني إلى جانب المشرفين “.

واستطرد سليمان:” بتكلم في نقطة المستحقات يا جماعة افتكروا أول سنة إحنا كنا رايحين كأس السوبر محدش متوقع إن الزمالك ياخد البطولة، سوبر الكورة، آه سوبر أفريقيا، كان معانا مدير فني كويس، معانا نوعية لاعيبة كواليتي كانت جعانة، زي ناصر ماهر، زي محمد شحاتة لسه جايين نادي الزمالك عايزين، عبد الله السعيد عايز يكون موجود وده من إصرار… بنتايك أما جه، حتى الاتنين اللي حصل عليهم جدال عمر فرج وميشالاك هم أول ناس تغييرة لجوميز في ماتش ونزل ماتش اتغير واتعادلنا واحد واحد وكانت ضربات الجزاء”.

وأختتم:” فبأقل الإمكانيات، أكتر واحد دفع فيه فلوس هو محمد شحاتة 20 مليون، فالقصة كلها مش فلوس قد ما هي تنظيم عمل وإحلال وتبديل، إزاي تقدر تعمل إحلال وتبديل الفريق.”

أحدث الأخبار