بسبب أرقام صلاح وحسام حسن.. مهيب عبد الهادي يشن هجومًا حادًا: “كفاية تهريج ولجان وتورت وتطليع لسان”

بسبب أرقام صلاح وحسام حسن.. مهيب عبد الهادي يشن هجومًا حادًا: “كفاية تهريج ولجان  وتورت وتطليع لسان”

انتقد الإعلامي مهيب عبد الهادي حالة الجدل المثارة حول أرقام منتخب مصر، وتراجع مستوى الفراعنة خلال فترة التوقف الدولي الأخيرة، مؤكدًا أن مصلحة الكرة المصرية يجب أن تعلو فوق أي صراعات جانبية أو حسابات شخصية.

وقال عبد الهادي،خلال تصريحات تليفزيونية ببرنامج” اللعيب”،عبر قناة “mbc مصر”:” الجميع ينتظر مباراة الاهلي وبيراميدز وبعد انتهاء التوقف الدولي في ظل اللي شوفناه واداء المنتخب واداء اللعيبه ومنها علامات استفهام على مرموش وضياع فرص الشغف بقى اقل مع اللعيبه رغم انه تحدي جديد ومدير فني جديد”.

وواصل:” اللعب للانديه شئ والمنتخب شئ، اللي بيكلموا على كابتن حسام حسن وصلاح الاثنين مصريين وصلاح ممكن يحطم الارقام دي، دي دوشه بفعل فاعل “.

وأضاف عبد الهادي:” هقولك على سر كابتن حسام له 83هدف مش 69 فاكرين هدف كابتن حسام في البطولة العربية متحسبش له واتخصم منه 14 هدف، ليه واقفين عند هدفين؟، فين صوت العقل “.

وشدد:” ما صلاح هيعدي الارقام دي، لكن بص على مستوي المنتخب، تصنيفك نزل، لازم تكسب انجولا وجنوب السودان، وتكلم في البنيه التحتية للمنتخب في لعيبه اعمارها كبيره منها الشناوي وصلاح وتريزيجيه، وفي منتخب اوليميي لسه مغلوب، لازم اشوف ازاي استفيد من منتخب حسين عبداللطيف ولازم نستعد لكأس العالم 2030″.

و تابع عبد الهادي:” وده الاول وده التالت وتورت وتطليع لسان وكل واحد بلجانه، بلاش نهرج وواحد يقولك قدم شكوى المجلس الاعلي للاعلام اللي موقف كل واحد عند حده، يقولك هنعمل مناشده احنا عندنا ضبط وربط وفي معايير وحاجات منقربش منها، كابتن حسن شحاته اتهاجم علشان ييقول رأيه، يطلع شويه عيال بلجان يهاجموه علشان قال رايه وناس من بره المجال الرياضي يكلم على كابتن حسن شحاته متخليك في اللي بتعمله”.

وأختتم:” لو المدير الفني مش مدير فني واتحاد الكرة مش اتحاد كره والمنظومة مش هتبقى قويه سيبوها وامشوا انت اللي بتدير ولازم مصر هي اللي تبقى فوق”.

أحدث الأخبار