اخبار الزمالك

مرتضى منصور يفتح النار على محمد فضل “متتكلمش كتير”

وجه مرتضى منصور رئيس نادى الزمالك رسالة إلى محمد فضل عضو  اللجنة الخماسية لاتحاد الكرة قائلا : ” لا يا محمد فضل الاهلى والزمالك مش هيلعبوا قمة الدوري غصب عنهم، الأهلي عنده مصيبة اسمها صن داونز وانا عندي مصيبة اسمها الترجي ومش هنلعب غصب عننا”

وقال “مرتضى” في تصريحات لبرنامج “زملكاوي” على قناة الزمالك :” فضل عنده فكرة أن 60% من تذاكر الزمالك متباعتش وعيب يا محمد تروج كلام مش حقيقي وانا مش هتكلم علشان ابوه محترم وكان صديقي وعيب عشان تحاول تحبط جماهير الزمالك واللى مش هتقل عن جماهير الأهلي.

تابع: عايز تقول الزمالك ملوش شعبية في الامارات مش مظبوط وشعبيته متقلش عن شعبية الأهلي في أي مكان وانت لجنة مؤقتة متتكلمش كتير انت متأجر شقة مفورشة لمدة شهر ومتجيش تقول عايز اركب اسانسير”

واختتم تصريحاته : حاسس انه موضوع التذاكر فيه لعب ولغط فيه ناس دخلوا على السيستم وسرقوا عقود لاعبي الزمالك وممكن يكون حصل ده فى الامارات”.

وكان محمد فضل أكد بان اتحاد الكرة يرفض فكرة تأجيل قمة الدوري بين الأهلي والزمالك في الدوري والمقرر إقامته الإثنين المقبل، وذلك بعد طلب مجلس إدارة نادي الزمالك تأجيل المباراة.

تعليقات زوار الموقع

اخبار ذات صلة