وجه المستشار مرتضى منصور رئيس نادي الزمالك رسالة لطارق السعيد لاعب الزمالك السابق :” انا اللى وديتك بلجيكا وانا اللى رجعتك وكل يوم كنت بتجيلى الفلة بتاعتى تعيط علشان الدكتور كمال دوريش مكنش عاوز يخليك تسافر”.
وتابع:” انت قولت الدكتور كمال درويش هو افضل رئيس نادى جه في تاريخ النادي، معنديش مانع في كده الراجل عظيم لكن لما انا انضميت لمجلس الدكتور كمال حققنا كل النجاحات وخدنا افضل نادي في العالم ومش عايزك تكدب لما تطلع ياطارق لان رئيس الزمالك لسة عايش”
وأضاف “مرتضى:” في تصريحات تليفزيونية لقناة الزمالك:” لما جه الكابتن حسام حسن يمسك الزمالك وأصر أن طارق السعيد يكون معاه في الجهاز ناس كتير اعترضت وانا قولت لا مشكلة ويدرب معانا”
وتابع :” مش عارف ايه الموضة اللى طالعة الايام دى بين اللاعيبة كل واحد يطلع يقولك الزمالك عرض عليا وأنا رفضت.. هو فيه ايه.. فيه ياد انت وهو ايه اللى جرالكم.. اتكلموا عن الزمالك بأدب واحترام نادي الزمالك والأهلي كبار واهرام كبيرة في مصر، وتقريبا الكورونا والفراغ عاملين كده في الناس”.
