قرر المستشار مرتضى منصور رئيس نادي الزمالك رفع الغرامة الموقعة على أشرف بن شرقي لاعب الفريق بسبب الظهور مع رامز جلال في برنامجه على فضائية mbc مصر ، أسوة بـ زميله في الفريق طارق حامد ، و كانت الغرامة مقدرة بـ 500 ألف جنيه .
و في تصريحات خاصة لـ “زمالك نيوز” قال المستشار مرتضى منصور : تم رفع العقوبة الموقعة على بن شرقي ، و بقول للي إسمه رامز جلال ” أنت بتقول إن بن شرقي بقى شعره عامل زي سلوى خطاب ، و انا بقولك أنت بتشبهني بـ * الست سكسكة* .
و بسؤاله عن مطالبة رامز جلال لـ بن شرقي بالهروب من مواجهة الأهلي قال مرتضى منصور : انا بس عايز اعرف هو فين الأخ مكرم محمد احمد رئيس المجلس الأعلى لتنظيم الإعلام من الفتنة اللي بيعملها رامز والحرب اللي عاملها بين الناديين
و تابع : إنتوا إزاي سايبين رامز جلال يعمل كده
و إختتم مرتضى منصور تصريحاته قائلاً : انا بكرة هاعمل فيديو مخصوص لـ مكرم محمد أحمد و هاكشف فيه المستور .
