عضو مجلس إدارة الاهلي ردا على تركي ال الشيخ .. انت مش متربي وجاهل وأنا عيني مش مكسورة – صورة

رد عضو مجلس إدارة النادي الاهلي ” محمد سراج الدين ” على المستشار تركي ال الشيخ رئيس النادي الاهلي الشرفي بعد هجوم تركي ال الشيخ عليه ووصفه “بالهلفوت ” عبر صفحته الشخصيه.

ونشر محمد سراج الدين عبر حسابه الشخصي : ” هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري.

وتابع سراج , بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي وانا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده.

وواصل محمد سراج , اللي خلاك مسخة أمام العالم كله في قيم ومعاني واصول اهم وأسمى من كده بكتير بس انت معذور متعرفهاش.

وأضاف , بحمد ربنا اني اتربيت في مجتمع سوي وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين.

وكان هاجم المستشار تركي ال الشيخ رئيس نادي الأهلي الشرفي , عضو مجلس إدارة نادي الاهلي الحالي محمد سراج الدين عبر صفحته الرسميه.

وقال تركي ال الشيخ :” هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟”.

وكان محمد سراج الدين عضو مجلس إدارة نادي الأهلي هاجم عبر صفحته الشخصيه على موقع التواصل الاجتماعي فيسبوك المستشار تركي ال الشيخ رئيس الاهلي الشرفي والمستشار مرتضى منصور رئيس نادي الزمالك.

وكتب محمد سراج الدين عبر حسابه الشخصي : ” بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج.

وتابع سراج , الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر.

وواصل سراج , اللي انا واحد مرضاش باحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين

وتابع سراج , المشكلة ان الفيروسات دي مختلفة عن الكورونا في حاجة وهي ان لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا.

وواصل , انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل…اللهم بلغت اللهم فاشهد.

وكان عاد المستشار تركي آل شيخ رئيس هيئة الترفيه بالمملكة العربية السعودية من جديد لمهاجمة مجلس إدارة التادي الأهلي، بعد فترة من الغياب خلال الفترة الماضية.

وكان تركي آل شيخ قد دخل في خلاف شديد مع إدارة الأهلي في وقت سابق بسبب الرئاسة الشرفية للنادي الأهلي وموقفة منه، حيث تباظل الطرفان البيانات الهجومية قبل أن يعود الوضع للهدوء مرة أخري.

وكتب “آل شيخ” عبر صفحته الرسمية على موقع التواصل الاجتماعي “فيس بوك” اذا كان القرار بيد ادارة مش عاوزه مصلحة النادي وبيعطلو اي اي حاجه تصب في مصلحة النادي … وصبرت عليها كتير بس واضح انهم مش حيتغيرو في حاجه”

وأضاف ” الحمدالله عندي نادي في أوروبا ! والباب الي يجيلك منه الريح سده واستريح … لغاية مايجي رجال يقدرو الرجال!”.