قال أمير عبدالحميد حارس مرمى النادى الأهلي السابق، أن عصام الحضرى الحارس الدولي السابق، يمثل قيمة كبيرة ويتمتع بروح قتالية وإصرار عالى وهو ما جعله يستمر في الملاعب فترات طويلة
وأشار إلي أن محمد الشناوى حارس الأهلى الحالى ظلم فى فترة تواجده مع الأهلى الأولى بسبب كثرة حراس المرمى المتواجدين على فى الفريق فى نفس التوقيت.
وأضاف “أمير” خلال استضافته في برنامج “جمهور التالتة” على قناة “أون تايم سبورت” : ” الحضرى لازم يكون قناعة بموضوع السن والحياة اللى حولينا ومحدش بيعاند الزمن والوقت”
وتابع: “يحسب للحضري لحد النهاردة انه يتمرن ووارد انه يلعب وهو أسطورة وكل الحرس اتعلمت منه أنك تركز ويكون عندك دوافع، وأهداف وكل ده اتعلمنا من الحضرى”
وواصل: “الحضرى لما كان موجود مكنش ظاهر أنا او أحمد عادل أو الشناوى ولما مشى من النادى الناس دى بدأت تظهر، وتوفيق ربنا مخلاش حد فينا يلعب خمس او عشر سنين متتالية”
وأختتم: ” الوحيد اللى لعب عدد سنيين متتالية هو الحضرى علشان كدة حقق كل البطولات دى، واتمنى من الجيل الحالى من الحراس الموجودين انه يلعب ويؤدى ويتمسك بالفرصة”
